Rizespor Türkiyə Kubokunda Pendiksporu darmadağın etdi

Çaykur Rizespor Türkiye Kupasında qələbə qazandı

Ziraat Türkiye Kupasının 4-cü təsnifat mərhələsində Çaykur Rizespor klubu "Atko Grup Pendikspor" komandasını qəbul edib. Çaykur Didi Stadionunda baş tutan qarşılaşmada 6-1 hesabıyla qalib gələn Rizespor, qrup mərhələsinə yüksəlib.

Rizesporun qələbə qolları Samet Akaydin (15-ci dəqiqə), Mithat Pala (25-ci dəqiqə), Valentin Mihaila (32-ci dəqiqə), İbrahim Olawoyin (48-ci dəqiqə), Loide Auqusto (50-ci dəqiqə) və Taha Şahin (83-cü dəqiqə) tərəfindən vurulub. "Atko Grup Pendikspor"un yeganə qolunu isə 88-ci dəqiqədə Conson Klark-Harris qeydə alıb.

Rizesporda baş məşqçi dəyişikliyi

İlhan Palutun istefasından sonra Rizesporun razılığa gəldiyi texniki direktor Rəcəb Uçar, matçı tribunadan izləyib.

Oyunun əsas məqamları

15-ci dəqiqədə Çaykur Rizespor hesabı açıb. Mithatın sağ cinahdan havaya qaldırdığı topa cərimə meydançasında yüksələn Samet, baş zərbəsi ilə topu qapıdan keçirib: 1-0.

25-ci dəqiqədə meydan sahibi hesab arasındakı fərqi 2-yə çatdırıb. Mihailanın sol cinahdan cərimə meydançasına göndərdiyi topu Mithat dəqiq zərbə ilə qapıya göndərib: 2-0.

32-ci dəqiqədə Çaykur Rizespor fərqi 3-ə yüksəldib. Sametin dərin ötürməsində cərimə meydançasının xəttində topla görüşən Mihaila rəqibini keçərək topu qapıdan keçirib: 3-0.

Oyunun ilk hissəsi Çaykur Rizesporun 3-0 üstünlüyü ilə başa çatıb.

48-ci dəqiqədə Çaykur Rizespor hesab arasındakı fərqi 4-ə çatdırıb. Alikulovun sağ cinahdan cərimə meydançasına göndərdiyi ötürmədə topa nəzarət edən Olawoyin, dəqiq zərbə ilə topu qapıdan keçirib: 4-0.

50-ci dəqiqədə Çaykur Rizespor 5-ci qolu vurub. Mithatın müdafiənin arxasına göndərdiyi ötürmədə cərimə meydançasında topla görüşən Auqusto, topu qapıçının ayaqları arasından qapıdan keçirib: 5-0.

82-ci dəqiqədə Çaykur Rizespor hesab arasındakı fərqi 6-ya yüksəldib. Mithatın sol cinahdan cərimə meydançasına göndərdiyi topa arxa dirəkdə ayağı ilə toxunan Taha, topu qapıdan keçirib: 6-0.

87-ci dəqiqədə Pendikspor qol vurub. Turamın cərimə meydançasının sağ küncündən qapıya göndərdiyi sərt zərbə qapıçı Erdemdən geri qayıdıb. Qapı ağzında Klarkın qarşısına düşən topu o, ayağı ilə qapıdan keçirib: 6-1.

Qarşılaşma Çaykur Rizesporun 6-1 üstünlüyü ilə başa çatıb. Bu nəticə ilə yaşıl-mavilər adını növbəti mərhələyə yazdırıb.

24 saat