Rodos etirazları İsrailli turistləri gəmidə saxladı

RODOSDA İSRAİL GƏMİSİNƏ ETİRAZ: FƏLƏSTİNƏ DƏSTƏK AKSIYASI

İsrailin Qəzza zolağına hücumları davam edərkən, beynəlxalq arenada Fələstinə dəstək nümayişləri də səngimək bilmir. Yunanıstanın Rodos adasında baş verən son hadisə isə bu dəstəyin növbəti təzahürü olub.

Bu gün günorta saatlarında Rodos limanına yan alan “CROWN IRIS” adlı kruiz gəmisi etiraz aksiyası ilə qarşılanıb. İsrailli turistləri daşıyan gəminin sərnişinlərinin limana düşməsinə mane olmaq məqsədilə təşkil edilən nümayişdə təxminən 100 nəfərlik bir qrup iştirak edib. Nümayişçilər əllərində Fələstin bayraqları və Qəzzada həyatını itirmiş uşaqların fotoları ilə “Fələstinə azadlıq” şüarları səsləndiriblər. Polis qüvvələri etirazçıları liman zonasından uzaqlaşdırmağa çalışarkən, tərəflər arasında toqquşma yaşanıb və nəticədə ən azı iki nəfər saxlanılıb.

Hadisə zamanı Rodos Bələdiyyə Başçısı Aleksandros Koliadis gəmini limanda şəxsən qarşılayıb. Maraqlıdır ki, sərnişinlərin bir qismi gəmidə İsrail bayrağı qaldıraraq etirazlara cavab veriblər.

Eyni Gəmi ƏVVƏLLƏR DƏ PROTESTO EDİLMİŞDİ

Qeyd edək ki, sözügedən gəmi daha əvvəl – 22 iyul tarixində də Siros adasında oxşar bir hadisə ilə üzləşmişdi. Həmin vaxt da etiraz aksiyası səbəbindən İsrailli sərnişinlər gəmidən enə bilməmiş və “CROWN IRIS” adanı sərnişinləri endirmədən tərk etməyə məcbur qalmışdı.

24 saat