Ronaldo Dünya Kubokunda oynayacaq

Ronaldo Dünya Çempionatı Elemələrində Oynaya Biləcək

FIFA-dan Ronaldo Qərarı

FIFA Disiplin Komitəsi, Cristiano Ronaldo ilə bağlı qərarını açıqlayıb. Portuqaliyalı ulduz futbolçu, 2026 FIFA Dünya Çempionatı Avropa Elemə Qrupu oyunlarında qırmızı kart almasına baxmayaraq, gələn il keçiriləcək Dünya Çempionatı qrup mərhələsində forma geyə biləcək.

FIFA-nın yaydığı bəyanata görə, Ronaldo F Qrupunun 5-ci həftəsində İrlandiya Respublikası ilə matçda gördüyü qırmızı karta görə 3 oyunluq cəza alıb. Lakin bu cəzanın bir hissəsi artıq icra olunub.

Cəzanın Tətbiqi Şərtləri

Ronaldo cəzasının 1 oyunluq hissəsini qrupun son matçında Ermənistana qarşı oynamamaqla çəkib. Qalan 2 oyunluq cəza isə bir il müddətinə təxirə salınıb. Bu o deməkdir ki, Ronaldo şərti olaraq azadlığa buraxılıb. Əgər o, bu müddət ərzində yenidən qaydaları pozsa, cəza dərhal bərpa olunacaq.

FIFA qərarın ləğv edilmədiyini, sadəcə olaraq təxirə salındığını vurğulayıb. Bildirilib ki, Cristiano Ronaldo sınaq müddətində eyni xarakterli və ağırlıqda bir qayda pozuntusuna yol verərsə, diskvalifikasiya avtomatik olaraq bərpa ediləcək. Qalan iki oyunluq cəza Portuqaliya komandasının növbəti rəsmi oyununda dərhal tətbiq olunacaq. Bu, yeni pozuntuya görə tətbiq ediləcək əlavə sanksiyalara təsir etməyəcək.

Qırmızı Kartın Səbəbi

Xatırladaq ki, Ronaldo Portuqaliyanın 2-0 hesabı ilə məğlub olduğu matçda irlandiyalı müdafiəçi Dara O'Şeyanın kürəyinə dirsəyi ilə zərbə endirdiyi üçün qırmızı kartla cəzalandırılmışdı.

24 saat