Səkidə sürətli yerişə də cərimə gəlir

Səkilərdə Yeni Qayda: Sürət Həddi Tətbiq Edilir

Slovakiyada piyada qadağası səkilərdə baş verən qəzaların qarşısını almaq üçün qeyri-adi bir addım atılıb. Ölkədə 2026-cı il yanvarın 1-dən etibarən şəhər daxilindəki səkilərdə saatda 6 kilometrdən sürətli yerimək, sürüşmək və ya sürmək qadağan ediləcək. Bu yeni tənzimləmə, piyadaların təhlükəsizliyini artırmaq məqsədi daşıyır.

Qanun Layihəsi Parlamentdən Keçdi

"Politico"nun xəbərinə görə, çərşənbə axşamı Slovakiya Parlamentində qəbul edilən yeni nəqliyyat qanununa əsasən, piyadalar, velosipedçilər, skeytçilər və elektrikli skuter istifadəçiləri saatda 6 km/s sürət həddini keçə bilməyəcəklər. Qərarın əsas məqsədi, xüsusilə son dövrlərdə artan skuter qəzalarının sayını azaltmaqdır.

Layihəni hazırlayan Baş nazir Robert Ficonun rəhbərlik etdiyi "Smer Partiyası"ndan olan millət vəkili Lubomir Vazny, tənzimləmənin məqsədini belə izah edib: "Səkilərdə təhlükəsizliyi artırmaq istəyirik. Bu qanun, bir şəxsin uyğun sürət həddini aşıb-aşmadığını obyektiv şəkildə müəyyən etməyi asanlaşdıracaq". Qanun 2026-cı ilin əvvəlində qüvvəyə minəcək olsa da, onun necə tətbiq ediləcəyi barədə hökumət hələlik dəqiq bir açıqlama verməyib.

Tətbiq və İctimai Reaksiyalar

Ekspertlərin fikrincə, orta yerimə sürəti saatda 4-5 km civarındadır. Lakin Britaniya Ürək Fondu, saatda 6.4 km sürətin "yaxşı fiziki formada olan bir insan üçün orta templi yerimə" olduğunu bildirir. Bu da o deməkdir ki, yeni qanun, sürətli yeriyən bir çox insanı potensial "qayda pozucusu" halına gətirə bilər. Qanun, sosial şəbəkələrdə qısa müddətdə istehzaya səbəb olub. İstifadəçilər arasında "Avtobusa çatmaq üçün qaçsaq, cəriməmi yeyəcəyik?", "Polis radar mı quracaq?" kimi zarafatlar paylaşılıb, bəziləri tənzimləməni "Avropanın ən absurd qanunu" adlandırıb.

Müxalifənin və Ekspertlərin Tənqidləri

Müxalifət və bəzi dövlət qurumları da qərarı sərt şəkildə tənqid edib. Daxili İşlər Nazirliyi, ümumi bir sürət həddi tətbiq etmək əvəzinə, elektrikli skuterlərin səkilərdən tamamilə qadağan edilməsinin daha məntiqli olacağını müdafiə edib. "Proqressiv Slovakiya Partiyası"nın millət vəkili Martin Pekar isə qanun üçün "Piyadalar avtomobillər səbəbindən təhlükədədirlər, skuter və ya velosipedçilər üzündən yox. Bu qanun, dayanıqlı nəqliyyatı cəzalandırır. Həmçinin, bir velosipedçinin 6 km sürətdə tarazlığını qoruması demək olar ki, qeyri-mümkündür" deyərək etirazını bildirib. Pekar, qəzaları azaltmağın yolunun "absurd qanunlar" deyil, daha çox təhlükəsiz velosiped yolları inşa etməkdən keçdiyini vurğulayıb. Slovakiyada piyada qadağası ilə bağlı müzakirələr davam edir.

24 saat