Samsunspor azarkeşləri qonşuda səs-küyə səbəb oldu

Samsunspor azarkeşlərinin nümunəvi davranışı Yunanıstanda böyük əks-səda doğurdu

UEFA Avropa Liqasının pley-off mərhələsinin ilk oyununda "Panatinaikos"un qonağı olan "Samsunspor"un azarkeşləri təkcə coşğulu şüarları ilə deyil, həm də tribunadakı nümunəvi davranışları ilə gündəmə gəliblər. Yunan mətbuatı qırmızı-ağ rəngli azarkeşlərin matçdan sonra tribunaları təmizləməsini yüksək qiymətləndirərək manşetlərinə çıxarıb.

Afinadakı OAKA Stadionunda keçirilən qarşılaşmadan sonra "Samsunspor"lu azarkeşlər, olduqları tribunada zibillərini toplayaraq ərazini təmizləyiblər. Yunan mətbuatında yayımlanan xəbərlərdə bu davranışın "hər kəsin etməli olduğu, lakin çox vaxt görülməyən bir hərəkət" olduğu şərh edilib.

Sosial mediada geniş əks-səda oyatdı

Sosial mediada yayılan görüntülərdə "Samsunspor" azarkeşlərinin matç bitdikdən sonra tribunaları tək-tək təmizlədikləri görünür. Yunan mətbuatı bu hərəkəti "nümunəvi bir davranış" kimi dəyərləndirərkən, azarkeşlərin həm şüarları, həm də ətraf mühitə həssas münasibətləri ilə təqdir topladığına diqqət çəkib. "Panatinaikos" və "Samsunspor" azarkeşlərinin qarşılıqlı qonaqpərvərliyini vurğulayan Yunan mətbuatı, "Samsunspor" azarkeşlərinin göstərdiyi centlmenliyin Türk-Yunan dostluğuna töhfə verə biləcəyini yazıb.

24 saat