Orta Şərqdə İran ilə İsrail arasında günlərdir davam edən müharibədə atəşkəsin əldə edildiyi iddia edildiyi bir vaxtda, ABŞ-ın da müdaxiləsindən sonra Amerika hökumətinin illərdir məxfi saxladığı "
Qiyamət Planı" yenidən gündəmə gəldi. Həmin plana əsasən,
nüvə müharibəsi baş verərsə, ABŞ prezidenti Donald Tramp və yüksək vəzifəli idarəçilər yerin dərinliklərindəki gizli sığınacaqlara köçürüləcək.
İdarəetmənin Təminatı
Daily Mail-də yer alan xəbərə görə, Amerika hökumətinin "COOP" (Əməliyyatların Davamlılığı Planı) adlandırdığı bu strateqiya, ölkə böyük bir dağıntı ilə üz-üzə qalsa belə, idarəetmənin fəaliyyətini davam etdirməsini təmin edir.
Nüvə müharibəsi nəticəsində böyük şəhərlər məhv olsa belə, milli müdafiə, iqtisadi sabitlik və ictimai təhlükəsizlik kimi kritik funksiyaların davam etməsi hədəflənir. Bu çərçivədə, ABŞ prezidenti Donald Trampın rəhbərliyi Virciniyadakı Mount Weather, Pensilvaniyadakı Raven Rock və Koloradodakı Cheyenne Mountain kimi nüvə hücumuna davamlı sığınacaqlardan ölkəni idarə etməyə davam edəcək.
Nüvə Hücumuna Davamlı Sığınacaqlar və Təyyarə
Planın gündəmə gəlməsinin səbəbi son günlərdə ABŞ üzərində uçuşlar edən "Qiyamət Təyyarəsi" kimi tanınan Boeing E-4B modelidir. İyunun 17-də Luizianadan Merilendə uçduğu müəyyən edilən bu təyyarə, təcili vəziyyətdə baş komandanlıq vəzifəsini icra edir və nüvə hücumuna davamlı olaraq hazırlanmışdır. Cəmi dörd gün sonra ABŞ İranın üç nüvə obyektinə hava hücumu həyata keçirdi. Çin və Rusiyanın "qlobal müharibəyə səbəb ola bilər" xəbərdarlıqlarına baxmayaraq reallaşan hücumlar, ABŞ-ın COOP planını işə salma ehtimalını yenidən gündəmə gətirdi.
Məxfi Sənədlərin Qorunması Əsas Hədəfdir
COOP, xalqı deyil, idarəçi təbəqəni qorumağa fokuslanır. Böhran anında dövlətin fəaliyyətini davam etdirə biləcək liderlərin sağ qalması əsas hədəfdir. Buna görə də, rabitə şəbəkələrinin təhlükəsizliyi, əsas sənədlərin qorunması və idarəçi heyətin ehtiyat planı bu planın əsasını təşkil edir. Federal Fövqəladə Halların İdarə Edilməsi Agentliyinə (FEMA) görə, plan yalnız
nüvə müharibəsi üçün deyil; böyük təbii fəlakətlər, pandemiyalar və ya terror hücumları kimi hər cür böhran üçün hazır vəziyyətdədir.
Tarixi və Müasir Adaptasiya
COOP-un təməlləri
Soyuq Müharibə illərində Prezident Duayt Eyzenhauer tərəfindən qoyulmuşdur. 1950-ci illərdən bu yana hər bir prezident planı inkişaf etdirərək bugünkü formasına çatdırmışdır. Bu gün COOP, "Milli Davamlılıq Siyasəti Direktivi" ilə yürürlükdədir. Artıq yalnız bombalara qarşı deyil, kiberhücumlara qarşı da dayanıqlılıq təmin edəcək şəkildə modernləşdirilmişdir. Bu
Qiyamət Planı dövlətin hər şəraitdə funksionallığını təmin etmək üçün əvəzedilməzdir.
Sığınacaq Yerləri Müəyyəndir
Prezident və idarəçilərin sığınacaq yerləri isə müəyyəndir. Virciniyadakı Mount Weather Təcili Əməliyyat Mərkəzi FEMA tərəfindən idarə olunur və əhali ilə əlaqəni təmin edəcək sistemlərlə təchiz edilmişdir. Pensilvaniyadakı Raven Rock Dağı isə hərbi komandanlıq mərkəzi kimi fəaliyyət göstərir. Koloradodakı Cheyenne Dağı Kompleksi isə NORAD-ın keçmiş qərargahıdır və hələ də
nüvə müharibəsi hücumuna davamlı alternativ idarəetmə bazası kimi qalmaqdadır. 11 sentyabr hadisələrindən sonra 75-150-yə qədər hökumət rəsmisinin bu cür sığınacaqlara köçürüldüyü məlumdur. Lakin bu günlərdə planın detalları təhlükəsizlik səbəbindən məxfi saxlanılır.
24 saat
