Trabzonspor-Samsunspor matçı öncəsi 1 azarkeş öldü

Trabzonspor səfərinə yollanan Samsunspor azarkeşləri arasında silahlı insident baş verib. ## Giresunda Samsunspor azarkeşləri arasında silahlı qarşıdurma

Trabzonsporla qarşılaşmaq üçün yola çıxan Samsunspor tərəfdarları, Giresun şəhərində bir restoranda nahar etmək üçün dayanıblar. Hələlik məlum olmayan səbəbdən başlayan mübahisə qısa zamanda davaya çevrilib.

Baş verən silahlı insident nəticəsində üç azarkeş yaralanıb, onlardan birinin vəziyyəti ağırdır.

## Samsunspor rəsmi açıqlama yayıb

Samsunspor klubu baş verən hadisə ilə bağlı rəsmi açıqlama yayımlayıb. Açıqlamada insident nəticəsində bir azarkeşin həyatını itirdiyi bildirilir.

Samsunsporun açıqlamasında deyilir:

“Samsunsporu dəstəkləmək məqsədilə səfərə çıxan azarkeş qrupumuza qarşı törədilən hücumdan dərin kədər hissi keçiririk.

Baş verən bu dəhşətli hadisədə bir azarkeşimiz həyatını itirib, digəri isə yaralanıb. Vəfat edən azarkeşimizə Allahdan rəhmət, kədərli ailəsinə və bütün azarkeş camiəmizə başsağlığı diləyirik. Yaralı azarkeşimizə isə tezliklə sağalmasını arzu edirik.

Bu qanlı hücumun təşkilatçılarının ən sərt şəkildə cəzalandırılması üçün prosesin sonuna qədər izləyicisi olacağımızı ictimaiyyətə hörmətlə bildiririk.”

24 saat