Tramp sağlamlıq iddialarını yalanladı: "Hər şey saxtadır!"

Ağ Evdə Donald Trampın Sağlamlıq Durumu

Ağ Evdə təşkil olunan mətbuat konfransında ABŞ prezidenti Donald Trampa, ötən həftə sosial mediada geniş yayılan sağlamlıq durumu ilə bağlı şayiələr və hətta onun dünyasını dəyişməsi iddiaları haqqında suallar ünvanlanıb.

Prezident Trampdan Saxta Xəbərlərə Sərt Reaksiya

Öz sağlamlıq durumu ilə bağlı müzakirələrdən xəbərdar olduğunu, lakin həyatda olmadığı iddialarından xəbərsiz olduğunu bildirən Donald Tramp, "Bu saxta xəbərlərdir. Məhz buna görə də medianın etibarlılığı bu qədər azdır," deyə şərh edib. Prezident Tramp qeyd edib ki, şayiələr yayılanda o, çox sıx iş qrafiki ilə çalışıb, ötən həftə çox sayda mətbuat konfransı təşkil edib və bunların hamısı uğurlu keçib.

Tramp Co Baydeni Misal Çəkdi

Donald Tramp iki gün ərzində mətbuat konfransı keçirməməsinin problem kimi qəbul edilməsinə təəccübünü ifadə edib. O, keçmiş ABŞ prezidenti prezident Co Baydenin aylarla ictimaiyyət qarşısına çıxmadığını, lakin heç kimin onunla bağlı bir problem olduğunu düşünmədiyini vurğulayıb.

Sağlamlıq Durumu İlə Bağlı İddiaların Zəminində Nə Dururdu?

Ağ Ev sözçüsü Karolin Livit iyulun 18-də verdiyi açıqlamada Donald Trampın "venoz çatışmazlıq" adlanan damar xəstəliyindən əziyyət çəkdiyini elan etmişdi. Livit, Trampın əlində görünən göyərtiləri "aspirin istifadə edən birinin tez-tez əl sıxmasından qaynaqlanan toxuma zədələnməsi" kimi izah edərək, sağlamlıq durumunun yaxşı olduğunu bildirmişdi. Lakin Trampın avqustun 26-da keçirilən Nazirlər Kabineti iclasından sonra bir neçə gün kameraların qarşısına çıxmaması sosial mediada onun sağlamlıq durumu ilə bağlı şayiələrə səbəb olmuşdu. Sözügedən müzakirələr, hətta Trampın həyatda olmaması iddialarına qədər getmişdi.

24 saat