Tramp təcavüz iddiasına görə 83,3 milyon dollar təzminat ödəyəcək

Apellyasiya Məhkəməsinin Qərarı

ABŞ Apellyasiya Məhkəməsi, Donald Trampın 2019-cu ildə keçmiş jurnal yazarı E. Jean Carrolla böhtan atdığına görə ödənilməsi qərara alınan 83,3 milyon dollarlıq təzminat qərarını təsdiqləyib.

Nyu-Yorkda yerləşən ABŞ 2-ci Dairə Apellyasiya Məhkəməsi bu gün işlə bağlı rəsmi qərarını açıqlayıb. Qərarda qeyd olunur ki, "keçmiş prezident prezident toxunulmazlığı ilə bağlı əvvəlki qərarımıza yenidən baxılmasını tələb edəcək hər hansı bir əsas gətirə bilməyib."

Bildirilib ki, işə baxan ərazi məhkəməsi etiraz edilən qərarlarında heç bir səhvə yol verməyib və münsiflər heyətinin təzminat ödənişi ilə bağlı qərarı ədalətli və münasib hesab edilib. Beləliklə, Apellyasiya Məhkəməsi E. Jean Carrolla böhtan atdığına görə Donald Trampa verilmiş 83,3 milyon dollarlıq təzminat qərarını bir daha təsdiqlədi.

Prezident Toxunulmazlığı İddiası

ABŞ-ın keçmiş prezidenti Donald Tramp ABŞ Ali Məhkəməsinin 2024-cü ilin iyulunda federal ittihamlar üçün prezident toxunulmazlığını genişləndirəcəyi gözləntisindən sonra Nyu-York məhkəməsinin Carrolla ödənilməsi barədə verdiyi təzminat qərarının da "həddindən artıq və etibarsız" olduğunu iddia edərək apellyasiya şikayəti vermişdi. Lakin məhkəmə bu arqumenti qəbul etməyib.

Carroll İşinin Arxa Planı

Jurnal yazarı 81 yaşlı E. Jean Carroll, 1996-cı ilin yazında Nyu-Yorkdakı "Bergdorf Goodman" mağazasının geyim otağında Tramp tərəfindən təcavüzə məruz qaldığını iddia etmiş, keçmiş prezident isə bu ittihamları rədd etmişdi.

Carroll tərəfindən qaldırılan "təcavüz və böhtan" işində Donald Tramp 2023-cü ilin may ayında münsiflər heyəti tərəfindən təqsirli bilinmiş və Carrolla cinsi təcavüzə görə 2 milyon, böhtana görə 3 milyon dollar olmaqla, ümumilikdə 5 milyon dollar məhkəmə tərəfindən təzminat ödəməyə məhkum edilmişdi.

İlk hüquqi qələbəsindən sonra Carroll, qazandığı 5 milyon dollarlıq təzminata əlavə olaraq, 10 milyon dollarlıq ikinci bir zərər təzminatı iddiası qaldırmışdı. 2023-cü il sentyabrın 6-da hakim bu işdə də Donald Trampın məsuliyyət daşıdığını təsdiqləmişdi. Nyu-Yorkda 2024-cü il yanvarın 16-da başlayan bu əlavə təzminat işində 9 nəfərlik münsiflər heyəti yanvarın 26-da keçmiş prezidentin əlavə olaraq 83,3 milyon dollar təzminat ödəməsinə qərar vermişdi.

24 saat