Trampa görə, Rusiya Ukrayna ilə atəşkəsə razılaşmasa, əlavə sanksiyalar tətbiq olunacaq

ABŞ prezidenti Donald Tramp Rusiyaya Ukrayna ilə atəşkəs sazişi üçün 10 gün vaxt verib. Əks halda, Kremlin Rusiya ilə iş aparan ölkələrə qarşı tətbiq edilən ikinci dərəcəli sanksiyalarla üzləşəcəyi bildirilir. Bu isə Rusiyanın avqustun 8-i, cümə gününə qədər Ukrayna ilə razılığa gəlməsi deməkdir. ## Atəşkəs üçün yeni şərtlər Şotlandiyada olarkən Rusiya ilə sülhün bərqərar olması üçün əvvəlki 50 günlük müddəti qısaldığını deyən prezident Tramp, bu barədə avqustun 29-da "Hava Qüvvələri 1" təyyarəsində jurnalistlərə açıqlama verib. O, son beş gündə Avropa liderləri ilə ticarət müqavilələri bağlamaq və Şotlandiyadakı iki qolf kurortuna baş çəkmək üçün orada olub. "Bu gündən on gün sonra, tamam?" – deyə Tramp təyyarədə bildirib. ## Tariflər tətbiq edilə bilər Prezident Rusiya prezidenti Vladimir Putini nəzərdə tutaraq, "Onda bilirsiz, biz tariflər və sair tətbiq edəcəyik. Bilmirəm bu Rusiyaya təsir edəcək ya yox, çünki o, müharibənin davam etməsini istəyir. Amma biz tariflər və tətbiq edilən digər şeyləri tətbiq edəcəyik. Ola bilsin bu onlara təsir etməsin, amma edə də bilər" – deyə əlavə edib. ABŞ və Ukrayna davamlı sülh sazişi üçün dərhal atəşkəs çağırışları edir. İyul ayının əvvəlində Tramp, əgər Rusiya 50 gün ərzində atəşkəsə razılaşmasa, ABŞ-ın Rusiya ilə iş görən ölkələrin mallarına 100%-ə qədər ikinci dərəcəli tariflər tətbiq edəcəyini bildirmişdi. ## Putinlə danışıqlar Donald Tramp getdikcə Putindən məyusluğunu ifadə edərək, Rusiya liderinin Ukrayna ilə müharibəni bitirmək istədiyinə şübhə ilə yanaşıb. Tramp, Rusiya lideri ilə yaxşı telefon danışığı apardığını düşündüyünü, lakin ertəsi gün daha çox ukraynalının Rusiya tərəfindən öldürüldüyünü görüb. Tramp iyul ayının əvvəlində, "Mən həmişə telefonu asıram və deyirəm, 'Yaxşı telefon danışığı oldu'. Sonra Kiyevə və ya başqa bir şəhərə raketlər atılır və mən deyirəm, 'Bu qəribədir'. Bundan sonra bu üç-dörd dəfə baş verəndə deyirsən ki, danışığın heç bir mənası yoxdur" – deyə bildirib. Bu, ilin əvvəllərindən fərqli bir mövqedir, çünki Tramp o vaxtlar Putinin "sülh istədiyini" düşünürdü. Tramp bazar ertəsi Moskvannın Ukraynanı davamlı bombardman etməsi səbəbindən Putinə "çox məyus olduğunu" bildirərək, Rusiyanın razılığa gəlməsi üçün müddəti 50 gündən 10 və ya 12 günə endirib. Tramp bazar ertəsi deyib: "Gözləməyə heç bir səbəb yoxdur. Biz heç bir irəliləyiş görmürük".

sələfi

24 saat