Türkiyə-İspaniya oyunu canlı yayımlanır

Dünya Çempionatı seçmə mərhələsi: Türkiyə və İspaniya Konya meydanında

2026 FİFA Dünya Çempionatının Avropa seçmə mərhələsinin E qrupunda Türkiyə və İspaniya yığmaları Konya şəhərində üz-üzə gəlir. MEDAŞ Konya Böyükşəhər Stadionunda keçirilən bu vacib qarşılaşmanı İngiltərə Futbol Federasiyasından olan referi Maykl Oliver idarə edir.

E qrupunda vəziyyət: Rəqiblər meydanda

E qrupunda bu gün baş tutan digər oyunda Gürcüstan millisi öz meydanında Bolqarıstanı 3-0 hesabı ilə məğlub edib. Türkiyə milli komandası isə E qrupundakı ilk matçında Gürcüstanı səfərdə 3-2 hesabı ilə məğlub etmişdi. İspaniya da Bolqarıstanı Sofiyada 3-0 hesabı ilə üstələyib. Hazırda İspaniya yığması qrupda top fərqinə görə liderdir.

Qrup lideri birbaşa Dünya Çempionatına vəsiqə qazanacaq

ABŞ, Meksika və Kanadanın birgə ev sahibliyi edəcəyi və 48 komandanın mübarizə aparacağı 2026 FİFA Dünya Çempionatına Avropadan seçmə oyunlarının nəticələrinə əsasən 16 komanda vəsiqə qazanacaq.

Noyabr ayında başa çatacaq Avropa seçmə mərhələsində qruplarında birinci yeri tutan 12 komanda birbaşa 2026 FİFA Dünya Çempionatına vəsiqə əldə edəcək.

Son 4 vəsiqə uğrunda isə 12 qrup ikincisi və UEFA Millətlər Liqasından gələn 4 komandanın iştirakı ilə ümumilikdə 16 komanda mübarizə aparacaq. Pley-off oyunları 2026-cı ilin mart ayında keçiriləcək.

24 saat