Ulduz futbolçunu it dişlədi

Futbol dünyasını sarsıdan qəza: Karles Perez xəstəxanaya yerləşdirilib

Arisin yeni transferi Karles Perez bədbəxt hadisə yaşadı

“Barselona” və “Roma” kimi nəhəng klublarda çıxış etmiş ispan futbolçu Karles Perez gözlənilməz bir qəza ilə üzləşib. "Aris"in yeni transferi olan Karles Perez iki itini ayırmağa çalışarkən, itlərdən biri tərəfindən dişlənib və nəticədə cinsi orqanında ciddi bir xəsarət yaranıb. Yunanıstan mediasının məlumatına görə, Perez təcili olaraq xəstəxanaya çatdırılıb.

Klubdan və futbolçunun özündən açıqlama gəldi

Yunan mətbuatının yaydığı "vəziyyəti ağırdır və kritik əməliyyat olunacaq" xəbərindən sonra 27 yaşlı futbolçu Katalan mətbuatına danışıb. Karles Perez Katalan mətbuatına verdiyi açıqlamada, Yunan tərəfinin ilk yazdığı xəbərlərin əksinə olaraq, yalnız tikiş atılmasına ehtiyac olduğunu, vəziyyətinin ciddi olmadığını və ağır bir əməliyyat keçirməyəcəyini bildirib.

Karles Perez, karyerasına "Espanyol"un aşağı yaş qruplarında başlayıb, daha sonra "Barselona", "Roma", "Selta Viqo", "Xetafe" və "Aris" klublarında forma geyinib.

24 saat