Veysel Bilen Beşiktaşdan xalla ayrılıb İzlandiyaya yüksək əhval-ruhiyyədə getmək arzusundadır

Samsunspor rəhbərliyindən Beşiktaş matçı öncəsi çağırış

Samsunspor Futbol Klubunun vitse-prezidenti Veysel Bilen, Süper Lig mövsümünün 13-cü həftəsində səfərdə Beşiktaş ilə qarşılaşacaqları oyun öncəsi mətbuata açıqlamalar verib.

Çox çətin bir oyun qrafikinin onları gözlədiyini ifadə edən Veysel Bilen, "Komandamızın hazırkı durumu, həm Avropada, həm də liqadakı vəziyyəti ilə əlaqədar rəhbərlik olaraq son dərəcə məmnunuq. Bu həftə sonundan başlayaraq dekabrın 21-nə qədər 8 ədəd çox vacib matçımız var. Bunlardan 3-ü Avropa, 5-i isə liqa oyunlarıdır. Samsunspor olaraq hər oyunu ayrılıqda dəyərləndiririk. Hər matçın öz ssenarisi var. Ciddiyyəti əldən vermədən sıx şəkildə hazırlıqlarımızı davam etdiririk", - deyə bildirib.

"Hədəflədiyimiz xalları qazanacağımıza inanırıq"

Çətin oyunlar seriyasında ən böyük dəstəyi azarkeşlərdən gözlədiyini vurğulayan Bilen, "Həftə sonu Beşiktaş səfərindən xal və ya xallar qazanaraq Samsuna dönməyi, İslandiya səfəri öncəsi ruh yüksəkliyi ilə hazırlıqlarımızı davam etdirməyi planlaşdırırıq. Komandamız verilən istirahətdən sonra şənbə günündən etibarən məşqlərə başlayıb. Buna görə də, qarşıdakı bu dövrdə göstərəcəyimiz performansla hədəflədiyimiz xalları əldə edəcəyimizə və bu prosesi müsbət şəkildə tamamlayacağımıza inanırıq. Azarkeşlərimizdən gözləntimiz isə hər zaman dediyimiz kimi komandalarına daha çox sahib çıxmalarıdır. Bu komanda, verilən dəstəyi sonuna qədər haqq edir. Rəhbərlik olaraq bilet qiymətləri mövzusunda əlimizdən gəldiyincə kömək etməyə çalışırıq. Buna görə də azarkeşlərimizdən "amma"sız, "fəqət"siz, məsafəni və ya havanı bəhanə etmədən gəlib komandalarını dəstəkləmələrini gözləyirik", - deyə əlavə edib.

24 saat