Taciz İddiaları Sənət Dünyasını Silkələyir
Son günlərdə sənət dünyası və şou-biznes ard-arda ortaya çıxan taciz iddiaları və ifşalarla silkələnir. Əvvəlcə bir fotoqrafla başlayan ifşa prosesi qısa müddətdə aktyorlara da sirayət etdi.
Məşhur Fotoqraf və Aktyorlara Qarşı İddialar
Məşhur fotoqraf Mesut Adlinin azyaşlı şəxslə mesajlaşdığı iddia edilən yazışmaları sosial şəbəkələrdə geniş yayılıb. Adlin öz sosial şəbəkə hesabında verdiyi açıqlamada "Qarşımdakı şəxsin yaşını öyrəndikdə söhbəti dayandırıb takibdən çıxıram. Bu hissə xüsusilə kəsilib" sözlərini işlədib. Adlinin dostu Tolqa Akış da sosial mediadan, "Sektorun hamısı ilə bir şəkildə əlaqə saxlayırıq, lakin heç kimin yanlışını müdafiə edəcək deyilik" bəyanatını verib.
Digər bir taciz iddiası isə aktrisa Doğa Lara Akkayadan gəldi. Akkaya sosial şəbəkə paylaşımında 2022-ci ildə rol aldığı "Tozluyaka" serialının çəkiliş meydançasında həmkarı Tayanç Ayaydın tərəfindən təcavüzə məruz qaldığını iddia edib: Akkaya bildirib ki, ona "Bu adam evli və tanınmış aktyor yaşlısıdır, sus" deyiblər. O, 21 yaşında olduğunu, ilk işi olduğunu və ağzını aça bilmədiyini söyləyib. Aktrisa həmkarının onu davamlı olaraq şifahi və yazılı şəkildə təcavüz etdiyini vurğulayıb.
Tayanç Ayaydından sonra "Çukur", "Yargı" və "Bahar" seriallarında çəkilən aktyor Mehmet Yılmaz Ak haqqında fotoqraf Dilan Bozyel şokedici bəyanatlar verib. Bozyel gənclik illərində baş verənləri danışaraq, aktyorun ona silah gücü ilə yaxınlaşmağa cəhd etdiyini iddia edib.
Şəxsi Məlumatların Qanunsuz Yayılması və Aktrisa Aslıhan Gürbüzün Dəstək Çağırışı
Nəhayət, aktrisa Aslıhan Gürbüz sosial şəbəkə hesabında etdiyi paylaşımda "2021-ci ildən bir ifşa dostumdan gəlir" deyərək həmkarı Gizem Güçlünün başına gələnləri ictimaiyyətə çatdırıb.
Gizem Güçlü öz sosial şəbəkə səhifəsində yazıb: "Sübutlar əsasında, 10 ildir fotoşəkillərimi və şəxsi məlumatlarımı oğurlayaraq, müxtəlif sosial media platformalarında saxta profillər vasitəsilə çoxsaylı şəxslərlə virtual münasibətlər quran aktyor və menecer Ertunç Uygun barədə 2 il əvvəl şikayət etmişdim. 12 noyabr 2021-ci il tarixli son məhkəmə iclasımda təqsirləndirilən Ertunç Uygunun Cinayət Məcəlləsinin 136/1-ci maddəsi ilə şəxsi məlumatları qanunsuz yolla əldə etmə və yayma cinayətini törətməsi səbəbilə 2 il 1 ay müddətinə həbs cəzasına məhkum edilməsinə qərar verildi."
Aslıhan Gürbüz daha sonra bu iddialar qarşısında laqeyd qalanları tənqid edib. O, sosial şəbəkə hesabında etdiyi paylaşımlarda "Əgər sizi istismar edən biri ilə dostamsa, mənə yazın və bu vəziyyət dəyişsin" deyərək qadınlara birbaşa dəstək ifadə edib.
Gürbüz, "Təqsiri sübuta yetirilənə qədər hər kəs günahsızdır, əlbəttə, lakin mövzu həssasdır, dostum. İllərlə yığılmış susqunluqdan sonra artıq həmrəylik zamanıdır" sözləri ilə sükut etməməyə çağırıb. Gürbüz həmçinin taciz iddiaları və ya zorakılıq ittihamlarının mərkəzində olan bəzi şəxslərin illərdir qadın hüquqları ilə bağlı paylaşımlar etməsini də tənqid edərək, "Sanki həmişə bu məsələlərdə qadınların yanında olublar kimi davranırlar" sözləri ilə ikiüzlülüyə diqqət çəkib.
Oxucu Şərhləri
Şərh Yaz