Benfika baş məşqçisi Kərəm Aktürkoğlu haqqında danışdı

UEFA Çempionlar Liqasının pley-off mərhələsinin cavab görüşündə Fənərbaxça ilə qarşılaşacaq olan Benfika klubu, Lizbondakı təlim-məşq bazasında hazırlıqlarını tamamladı. Məşqdən sonra keçirilən mətbuat konfransında baş məşqçi Bruno Lage fikirlərini bölüşdü.

Bruno Lagenin Fənərbaxça haqqında fikirləri

Lage, Fənərbaxçanın Çempionlar Liqasında oynamağa layiq bir komanda olduğunu vurğulayaraq, "İki dəfə Çempionlar Liqasını qazanmış bir baş məşqçi olan Joze Mourinyoya sahibdirlər. Aqressiv oyunçuları var. İki hücumçu ilə oynayırlar. Təşkilatlanmış hücumlarda etdikləri çarpaz ötürmələrlə diqqətimizi çəkirlər. Fənərbaxçanın bu qədər keyfiyyətli olması bizi ruhdan salmayacaq" dedi.

Oyun strategiyaları haqqında danışan Lage, rəqibə uyğun oyun qurduqlarını və bütün il ərzində hədəflərinə çatmaq istədiklərini qeyd etdi. Kollektiv olaraq yaxşı anlar yaşadıqlarını, eyni zamanda pis zamanlardan da dərs almalı olduqlarını bildirdi.

Lage əlavə etdi ki, top onlarda olmadıqda müdafiəyə çəkiləcəklər, blok şəklində müdafiə olunacaqlar və qol vurmaq üçün əllərindəki bütün imkanlardan istifadə edəcəklər. Oyunçuların və azarkeşlərin matçın başlanğıcından 90 dəqiqəyə fokuslanmalı olduqlarını və bu matçdan qələbə ilə ayrılmalarının vacibliyini vurğuladı.

Kerem Aktürkoğlu ilə bağlı açıqlama

Benfikanın baş məşqçisi, Kerem Aktürkoğlu haqqında verilən suala cavabında, bütün futbolçuları ilə münasibətlərinin yaxşı olduğunu bildirdi. Keremin Tondela matçından sonra əhvalının pozulduğu iddiasına cavab olaraq, oyunçunun matça daxil olduğu andakı görüntülərinə diqqət etməyi tövsiyə etdi və onun komandasına dəstək verdiyini qeyd etdi.

24 saat