Celtics, ötən yay 18-ci NBA çempionluğunu qazandıqdan qısa müddət sonra satışa çıxarılmışdı. Satış prosesində ən yüksək təklifi verən Chisholm, klubun dəyərini 6.1 milyard dollar olaraq müəyyən edib. Bu rəqəm, Amerika peşəkar idman tarixində indiyədək bir idman klubuna ödənilən ən yüksək qiymət olaraq qeydə düşüb.
NBA rəhbərliyi, ötən həftə Chisholm-un satın alma təklifini yekdilliklə təsdiqləyib. Rəsmi təhvil-təslim işləri isə çərşənbə axşamı tamamlanıb.
## Tam Nəzarət 2028-də KeçəcəkChisholm, ilk mərhələdə klubun ən azı %51-lik səhmini satın alıb. 2028-ci ilə qədər bütün nəzarətin ona keçməsi ilə birlikdə satışın ümumi dəyəri 7.3 milyard dolları keçə bilər. Bu, indiyədək dörd böyük Amerika idman liqasındakı (NBA, NFL, MLB, NHL) bir kluba ödənilən ən yüksək məbləğ olub.
Xatırladaq ki, Los Angeles Lakers-in bir hissəsinin bu yay əl dəyişməsi ilə klubun ümumi dəyərləndirilməsi 10 milyard dollara çatmışdı. Lakin satış, yalnız müəyyən bir hissə ilə məhdudlaşmışdı.
## 360 Milyon Dollara AlınmışdıWyc Grousbeck, 2002-ci ildə Celtics-i 360 milyon dollar qarşılığında satın alan investisiya qrupunun lideri idi. Bu müddət ərzində Boston Celtics; 2 NBA çempionluğu qazanıb, 2 dəfə finalda uduzub və 23 mövsümün 20-də pley-offlara vəsiqə qazanıb.
Oxucu Şərhləri
Hələlik heç bir şərh yazılmayıb. İlk şərhi siz yazın!
Şərh Yaz