Çikaqo Bulls Derin Saranı gündəminə aldı

Türkiyəli Basketbolçu Derin Saranın Kolec Basketbolundakı Yüksəlişi

NCAA-da UC Irvine forması geyinən Türkiyənin təmsilçisi Derin Saran, bu mövsüm göstərdiyi möhtəşəm çıxışı ilə diqqətləri özünə cəlb etməkdə davam edir.

Son olaraq "San Jose State"ə qarşı qazanılan qələbədə 24 xalla komandasına töhfə verən gənc mühafizəçi, mövsüm ortalamalarını da 15.0 xal, 7.0 ribaund, 4.2 asist və 1.4 top oğurluğuna çatdırmış oldu.

NBA Skautlarının Diqqət Mərkəzində

Gənc basketbolçu bu performansı ilə ESPN şərhçisi Mark C. Spirsin də təriflərinə layiq görülüb. ABŞ mediasında kolec basketbolu üzrə aparıcı ekspertlərdən olan Spirs, Saranın NBA-in radarına düşməli olduğunu qeyd edərək, oyun zamanı Chicago Bulls skautunun tribunada olduğunu vurğulayıb.

Spiker Qreq Meskall Derin Saranın "Stanford"dakı bir ilindən sonra bu mövsüm UC Irvine-ə qayıdaraq 24 xal, 7 ribaund və 3 asistlə komandasının oyununda mərkəzi rol oynadığını bildirib.

Şərhçi Mark C. Spirs gənc basketbolçu haqqında belə deyib: "Pol Corcu 'Fresno State'də, Brandon Klarkı isə 'San Jose State'də oynayarkən bu turnirdə izlədiyimi xatırlayıram. Klark 'Gonzaga'ya keçməzdən əvvəl ona "Məncə, NBA şansın var" demişdim. Bu gənc haqqında da eyni hissləri keçirirəm. Onu əvvəllər çox izləməmişdim ki, bu da yəqin ki, yaxşı haldır, çünki daha bitərəf gözlə baxa bilirəm. Açığını desəm, fiziki cəhətdən bir qədər də güclənməli və uzaqdan atışlar üzərində işləməyə davam etməlidir. Lakin yaxşı bacardığı bəzi şeylər var."

Spirs əlavə edib: "Köhnə dostum Deyv Bouen, Chicago Bulls skautu bu gün buradadır və onunla bağlı qeydlərini götürür. Məncə, bu gənc NBA komandalarının radarına düşməlidir. Bəlkə də birbaşa 2026-cı il Draftı üçün yox, çünki bu ilki draft sinfi inanılmaz dərəcədə güclüdür. Lakin növbəti illər üçün mütləq Derin Saranı radarlarında saxlamalıdırlar. Həqiqətən də xüsusi istedaddır."

Aşağıda Derin Saranın "San Jose State"ə qarşı nümayiş etdirdiyi performansın görüntülərini izləyə bilərsiniz.

24 saat