Çində qeyri-adi satış: “Ayaq suyu” almaq üçün növbəyə durdular

Çində qəribə satış: “Ayaq suyu” üçün izdiham yarandı

Çində keçirilən anime festivalında lentə alınan görüntülər sosial şəbəkələrdə ciddi müzakirələrə və hiddətə səbəb olub. Tədbir iştirakçılarından bir neçəsinin ayaqlarını yuduqları suyu satışa çıxarması ictimaiyyəti şoka salıb.

Kostyumlu iştirakçılar ayaqlarını saxladıqları suyu 50 yuan (təxminən 7 dollar) qarşılığında ziyarətçilərə təklif ediblər. Gigiyenik baxımdan olduqca təhlükəli olan bu qeyri-adi satışa marağın yüksək olması təəccüb doğurub.

Sosial mediada yayılan kadrlarda bəzi şəxslərin bu suyu içməyə cəhd etdiyi görünür. Hadisənin geniş rezonans doğurması və görüntülərin yayılmasından sonra tədbir təşkilatçıları vəziyyətə müdaxilə etməli olublar.

Təşkilatçılar bu cür hərəkətlərin tədbir qaydalarına və ictimai sağlamlıq normalarına zidd olduğunu vurğulayaraq, gələcəkdə belə halların qarşısını almaq üçün ciddi tədbirlər görüləcəyini bəyan ediblər.