Dniproya raket hücumu: Ölü və yaralılar var
Dnipropetrovsk Vilayət Hərbi Administrasiyasının rəhbəri Serhiy Lısak Telegram hesabında verdiyi məlumata görə,
Rusiya qüvvələri vilayətin Dnipro şəhərinə raket hücumu edib.
Lısak ilkin məlumatlara əsasən hücum nəticəsində 7 nəfərin həlak olduğunu, 10-u uşaq olmaqla 70 nəfərin yaralandığını bildirib. O qeyd edib ki, ölü və yaralıların sayı dəqiqləşdirilməkdədir. Təəssüf ki, bu hücumdan zərər çəkən şəxslərin sayı davamlı olaraq artır, lakin daha çox ola bilərdi.
Kiyevdən sərt reaksiya
Ukrayna Xarici İşlər Naziri Andrii Sıbiha da X sosial şəbəkəsindəki paylaşımında Dniproya edilən raket hücumuna kəskin reaksiya verib. Sıbiha hücum nəticəsində sərnişin qatarı və mülki infrastruktura ziyan dəydiyini bildirərək deyib: "Adi bir sərnişin qatarı, məktəblər və uşaq bağçaları, bir xəstəxana və klinika zərər görüb. Ölənlər və yaralılar var."
Bu dövlətə qarşı təzyiqin artırılmasına çağırış edən Sıbiha əlavə edib: "Liderlər NATO Sammiti üçün Laheyə toplaşarkən,
Rusiya terror və sülhün rədd edilməsi mesajını göndərir. Müttəfiqlərin Moskvaya təzyiqi artırması etibarlılıq məsələsidir."
97 PUA ilə hücum
Digər tərəfdən,
Ukrayna Silahlı Qüvvələrindən verilən yazılı açıqlamada rus ordusunun gecə saatlarında ölkənin müxtəlif bölgələrinə 97 pilotsuz uçuş aparatı (PUA) ilə hücum etdiyi bildirilib. Açıqlamada qeyd olunub ki, ölkə ordusu tərəfindən 78 PUA məhv edilib və ya istiqaməti dəyişdirilərək zərərsizləşdirilib.
Sumı Vilayət Hərbi Administrasiyasının rəhbəri Oleq Qriqorov isə Telegram hesabında verdiyi açıqlamada gecə həyata keçirilən hücumlar nəticəsində bölgədə 1-i uşaq olmaqla 3 nəfərin həlak olduğunu, 6 nəfərin isə yaralandığını bildirib.
24 saat
