Fənərbaxça Avropa Liqası matçına 10 oyunçu itkisi ilə çıxır

Fənərbaxça Ferentsvaroş ilə qarşılaşır

Fənərbaxça bu axşam Avropa Liqasının 5-ci turunda Macarıstan təmsilçisi Ferentsvaroş ilə qarşı-qarşıya gələcək. Robbi Kin'in rəhbərlik etdiyi məğlubedilməz qonaq komanda 3 qələbə və 1 heç-heçə ilə turnir cədvəlində 3-cü yerdədir. Fənərbaxçanın qələbəsi həm ilk 8-liyə girmək üçün iddialı bir mövqe tutması, həm də Qalatasaray derbisi öncəsi ruh yüksəkliyi qazanması deməkdir.

Komandada ciddi itkilər var

Lakin Fənərbaxçada 10 oyunçu heyətdə yoxdur. OsterVolde, İsmayıl və Fred cəzalıdır. Çağlar və Şimanski zədəlidir. Bekao, Bartuğ və Mərt Hakan UEFA siyahısında yer almır. İrfan Can və Cenk Tosun da heyətdən kənarlaşdırılıb. Cenkin əvəzinə UEFA siyahısına əlavə edilən Levent Mercan meydana çıxa biləcək. Müdafiədə oynayacaq Skriniar, Mərt və Yiğit Efe Demirdən başqa oyunçu qalmayıb.

1971-ci ilin revanşı

Fənərbaxça və Ferentsvaroş 1971-ci ildə UEFA Kubokunda üz-üzə gəlib. 14 sentyabr 1971-ci ildə Kadıköydəki oyun 1-1 hesabı ilə başa çatıb. 29 sentyabr 1971-ci ildəki cavab görüşündə isə Ferentsvaroş 3-1 hesabı ilə qalib gəlib. Zaman dəyişdi. Sarı-lacivərdli komanda Avropa kuboklarında Kadıköydə oynadığı 146 oyunda 76 qələbə, 38 məğlubiyyət yaşayıb. Üstəlik, Fənərbaxça Avropa kuboklarında öz meydanında keçirdiyi son 26 oyunda cəmi 3 dəfə məğlub olub.

24 saat