Kərəm Aktürkoğlu "Fənərbaxça"ya keçdi

Fenerbahçe transfer sensasiyası: Kerem Aktürkoğlu İstanbulda!

Kerem Aktürkoğlu rəsmi olaraq "Fənərbaxça"da!

"Fənərbaxça"nın yeni transferi Kerem Aktürkoğlu artıq İstanbuldadır. "Fənərbaxça"nın idarə heyətinin üzvü Hakan Safi, Kerem Aktürkoğlunun klub forması ilə şəklini sosial media hesabında paylaşaraq bu xəbəri təsdiqləyib. Safi paylaşımında, “İmzalar atıldı, formanı geyindi, İstanbul səyahətimiz başladı. Uşaqlıqdan bəri xəyalını qurduğun sevgiyə xoş gəldin, Kerem Aktürkoğlu” ifadələrini işlədib.

Azarkeşlər transfer xəbərinə sevindi

Kerem Aktürkoğlunun bu fotosu "Fənərbaxça" azarkeşləri tərəfindən böyük maraqla qarşılanıb. Görüntülər sosial mediada sürətlə yayılıb və geniş müzakirələrə səbəb olub. Azarkeşlər bu transferdən böyük məmnunluq duyduqlarını bildiriblər.

Klub rəsmi açıqlama yaydı

"Sarı-lacivərdlilər" Kerem Aktürkoğlu transferini rəsmən elan edib. Klubun yaydığı açıqlamada deyilir: "Klubumuz, Türkiyə milli futbol komandasının oyunçusu Kerem Aktürkoğlunun "Benfika" ilə transferi üçün prinsipial razılığa gəlib. Oyunçu, transfer danışıqlarını davam etdirmək və sağlamlıq yoxlamalarından keçmək üçün İstanbula dəvət olunub. İctimaiyyətin diqqətinə çatdırırıq".

24 saat