POP ULDUZU LİLİ ALLENİN ETİRAFLARI
40 yaşlı pop ifaçısı Lili Allen, Miquita Oliver ilə birlikdə apardığı "Miss Me?" podkastında keçmiş həyat təcrübələrindən danışıb.
Verilişdə şəxsi həyatına dair təfərrüatlar paylaşan Allen, tez-tez hamilə qaldığı üçün hazırda RİA (uşaqlıqdaxili vasitə) ilə qorunduğunu bildirib. Bu etiraf Oliveri təəccübləndirərkən, Allen, Frenk Sinatranın məşhur "My Way" mahnısını ifa edərək "Bir neçə dəfə hamiləliyi sona çatdırmışam, lakin dəqiq sayını xatırlamıram" deyib. Daha sonra gülərək "Düşünürəm ki, dörd və ya beş ola bilər" əlavə edib.
“ROMANTİK” HƏRƏKƏTİN ARXASINDAKILAR
Bir hamiləliyi sonlandırma prosedurunun xərclərini sevgilisinin ödədiyini və bu hərəkəti o zamanlar romantik hesab etdiyini dilə gətirən ifaçı, "Bir dəfə hamilə qaldım və kişi prosedurumun pulunu ödədi. Bunun çox romantik olduğunu düşünmüşdüm. Nə qədər romantik olduğunu deyim: bir daha mənə heç mesaj da yazmadı!" deyə danışıb.
Allen 2022-ci ildə də İnstagram hekayələrində etdiyi paylaşımlarda "Kaş ki, insanlar abort etdirmək üçün müstəsna səbəblər göstərməyi dayandırsalar" fikrini ifadə etmişdi.
Pop ulduzunun keçmiş həyat yoldaşı Sem Kuperdən 13 yaşlı Etel və 12 yaşlı Mardi adlı iki qızı var.