Motiejunas NBA-in gücündən yararlanmaq istəyir

Avroliqa rəhbərindən NBA-ya əməkdaşlıq çağırışı

Avroliqanın baş icraçı direktoru Paulius Motiejunas NBA rəhbərliyinin Avropada yeni liqa yaratmaq planlarına münasibət bildirib. O, əməkdaşlığa hazır olduqlarını ifadə edib.

"Yeni liqa yaratmağa ehtiyac yoxdur"

Motiejunas ABŞ mətbuatına verdiyi açıqlamada, Sentyabr ayında bir araya gələrək əməkdaşlıq imkanlarını daha dərindən araşdırmaq üçün görüş keçirəcəyik. Əvvəllər də qeyd etdiyim kimi, yeni bir liqa yaratmağa ehtiyac yoxdur. Avroliqa uğurla inkişaf edir və böyüyür. Biz NBA-in gücündən Avropada basketbolu inkişaf etdirmək üçün istifadə etməyə şadıq və buna açığıq. Nə üçün yeni bir liqa qurub sıfırdan başlamağı gözləyək ki, birlikdə oturub qərarlar qəbul edərək hərəkət etməyək? Əsas mesajımız budur, - deyə bildirib.

Avroliqa təhdid görmür

Motiejunas, sözügedən yeni liqa layihəsini Avroliqa təşkilatı üçün bir təhdid olaraq görmədiyini vurğulayıb. Mövcud televiziya müqavilələrimizdən, sponsorluqlarımızdan və klubların Avroliqada oynamağa olan marağından da görünür ki, bu, bir təhdid deyil, daha çox çaşqınlıqdır. Daha geniş perspektivdən baxsaq, bunu dəfələrlə təkrarlayıram, basketbol oyununu və azarkeşləri önəmsəməliyik, - deyə fikrini ifadə edib.

24 saat