"Orel i Reşka" rejissoru Ukrayna müharibəsində həlak olub

"Orel i Reşka" rejissoru Dmitri Xomko cəbhədə həlak oldu

"Orel i Reşka" televiziya şousunun tanınmış rejissoru Dmitri Xomko Ukrayna müharibəsində həyatını itirib. Bu barədə onun həyat yoldaşı Qalina Spivak öz "Instagram" səhifəsində məlumat yayıb.

"Orel i Reşka" layihəsinin yaradıcı heyətindən olan Xomko uzun illər televiziya sahəsində fəaliyyət göstərib.

İtkini ailəsi təsdiqləyib

Qalina Spivakın sözlərinə görə, Xomko 2 oktyabr tarixində dünyasını dəyişib. Onun ölüm şəraiti ilə bağlı ətraflı məlumat verilməyib. Rejissor 45 yaşında idi və Ukrayna Silahlı Qüvvələrinin sıralarında "Beyrut" ləqəbi ilə xidmət edirdi.

Vətən müdafiəsində göstərilən fədakarlıq

Spivak öz paylaşımında qeyd edib: "Oğul, qardaş, sevimli həyat yoldaşı, ata, xaç atası, kürəkən, dost, həmkar, silahdaş – bu gün hamımız gələcəyimiz uğrunda etdiyin fədakarlıq qarşısında sonsuz kədərlə baş əyir və sənə, döyüşçü, hörmət göstəririk. Sən son nəfəsinə qədər öz yolunu ləyaqətlə keçdin və əlində silahla, hər birimizi müdafiə edərək döyüşdə həlak oldun. Odur ki, rahat uyu, biz sənin xatirənin qayğısına qalacağıq."

24 saat