Səhər 3-də kabus: Gəmidə ölüm, FBI araşdırır

Olayın ardınca federal səlahiyyətlilər genişmiqyaslı araşdırmaya başladılar. FBI təhqiqatı ölümün şəraitini araşdırdığını təsdiqləsə də, hadisənin cinayət işi çərçivəsində olub-olmadığını hələ açıqlamayıb. FBI-ın Hyuston ofisindən verilən məlumata görə, istintaq ABŞ Sahil Mühafizə Komandanlığı, Gömrük və Sərhəd Mühafizəsi, eləcə də kruiz gəmisi operatoru ilə əlaqəli şəkildə aparılır.

"Serenity" Göyərtəsində Tibbi Yardım Çağırışı

KHOU11 kanalına danışan sərnişinlər, iyulun 23-ü gecəsi "Serenity Deck" (Hüzur Göyərtəsi) üçün edilən tibbi yardım çağırışı ilə oyandıqlarını bildirdilər. Yolçulardan biri, hadisədən sonra gəmidən eniş zamanı federal agentlərin də gəmiyə daxil olduğunu qeyd etdi.

Gəmidə olan Amanda Meadows adlı qadın sərnişin isə, olay gecəsi yaşadıqlarını sosial mediada paylaşıb. Meadows həyəcan siqnalları ilə oyandıqdan sonra yuxarı göyərtəyə çıxmaq istədiyini, lakin heyət tərəfindən bunun qarşısının alındığını bildirib. Daha sonra kazinoya getmək istədiyini söyləyən Meadows, orada da icazə verilmədiyini və otağına qayıtmasının tələb olunduğunu vurğulayıb.

Sərnişin Şahidliyi və Şirkətin İddiaları

Meadows iddia edib ki, daha sonra yenidən göyərtədən keçərkən bir heyət üzvü ona bir nəfərin hücuma məruz qaldığını və həyatını itirdiyini söyləyib. İddiaya görə, hadisə gəmidəki qumarxanada qazanılan pul sonrası baş verib. "Əvvəlcə tam anlamadım. Elə bildim kimsə göyərtədə yıxılıb ölüb," deyə Meadows olayı dəqiq qavramadığını ifadə edib.

Lakin Carnival Cruise Line kruiz gəmisində baş verən ölümlə bağlı iddialara sərt cavab verdi. Şirkət tərəfindən edilən ilkin açıqlamada, "Carnival Dream gəmisində şübhəli ölüm araşdırması aparılmır. Qonaqların bu cür əsassız şayiələr yayması təəssüf doğurur," deyə bildirildi.

FBI: "İstintaq Rutin Prosedurdur"

FBI təhqiqatı ilə bağlı son açıqlamada isə, gəmilərdə baş verən hər ölüm hadisəsinin FBI tərəfindən rutin olaraq incələndiyi və bu durumun birbaşa şübhəli bir olaya işarə etmədiyi vurğulandı. Açıqlamada, hadisə ilə bağlı davam edən araşdırmaların olduğu və bu mərhələdə ictimaiyyətlə daha ətraflı məlumat paylaşılmayacağı bildirildi.

ABŞ Sahil Mühafizəsi ilə koordinasiyalı şəkildə aparılan bu araşdırmalar çərçivəsində, Carnival şirkəti həyatını itirən sərnişinin yaxınlarına başsağlığı verərək, "Bu çətin zamanda qəlbimiz ailəsi ilə birlikdədir" mesajını paylaşıb.

24 saat