Şimali Mərmərə avtomobil yolunda dəhşətli qəza: 3 ölü, 1 yaralı

Şimali Mərmərə avtomobil yolunda dəhşətli qəza: 3 ölü, 1 yaralı

Şimali Mərmərə avtomobil yolunda baş verən yol-nəqliyyat hadisəsi böyük faciəyə səbəb olub. Tuneldə hərəkətdə olan yüngül kommersiya avtomobili hələlik məlum olmayan səbəbdən tunelin divarına çırpılıb.

Zərbənin şiddətindən avtomobildə olan 3 nəfər hadisə yerində həyatını itirib. Qəzada ağır yaralanan 1 nəfər isə ətrafdakıların məlumatı əsasında əraziyə cəlb olunan təcili tibbi yardım briqadaları tərəfindən xəstəxanaya çatdırılıb.

Qəza səbəbindən avtomobil yolunun həmin istiqamətində nəqliyyatın hərəkəti bir müddət nəzarətli şəkildə təmin edilib. Hadisə yerinə gələn yanğınsöndürmə və xilasetmə qrupları avtomobildə sıxılıb qalan vətəndaşları çıxarmaq üçün gərgin iş aparıblar.

Səlahiyyətli şəxslər qəzanın başvermə səbəblərinin müəyyən edilməsi üçün ətraflı araşdırmalara başlanıldığını açıqlayıblar. Yaralı vətəndaşın xəstəxanada müalicəsi davam edir.