SON DƏQİQƏ: ABŞ-da Əsrin Fəlakəti! Çay 45 Dəqiqədə 8 Metr Yüksəldi, Ölü Sayı Artır

Teksasda baş verən ani sel fəlakəti nəticəsində, aralarında 28 uşağın da olduğu ən az 82 nəfər həyatını itirib.

Nyu-York Taymsın qeyd etdiyi kimi, Teksasda baş verən bu sellər 100 illik tarixin ən ölümcül sel fəlakəti kimi, tarixin ən ölümcül hava hadisələri arasında isə ikinci yerdə qeydə alına bilər. Son 10 ildə hər il təxminən 113 nəfər sel səbəbiylə ölümlərə qurban getmişdi.

Bu sellər 1927-ci ildəki Missisipi daşqını və 2005-ci ildəki Katrina qasırğası kimi böyük fəlakətlərlə oxşar miqyasdadır.

Tənqidi Xəbərdarlıq Sisteminin Çatışmazlığı

Kerr Qraflığı 2017-ci ildə erkən xəbərdarlıq sistemi qurmaqdan imtina etmişdi. Siren və çay səviyyəsini izləyən cihazların quraşdırılması büdcə çatışmazlığı səbəbindən təxirə salınmışdı. Mütəxəssislər bu sistem olsaydı, bir çox insanın həyatının xilas edilə biləcəyini bildirirlər.

Telefon mesajları vasitəsilə edilən xəbərdarlıqlar bəzi sakinlərə gec çatıb və ya laqeyd qarşılanıb. Gecə saatlarında gələn "ani sel xəbərdarlığı" bir çoxu tərəfindən yüngülə alınıb.

10 Qız Uşağı Hələ də Axtarılır

Rəsmilər, Camp Mystic adlı xristian yay düşərgəsindən itkin düşən 10 qız uşağını və bir düşərgə rəhbərini hələ də axtarırlar.

AFP və AP-nin yaydığı görüntülər, Hunt, Teksasdakı Quadalupe çayı sahilində yerləşən Camp Mystic ətrafının seldən sonra nə dərəcədə dağıntıya uğradığını gözlər önünə sərdi. Kerrvildə çay kənarındakı Louise Hays Parkda bir karvan tamamilə xarabaya çevrilmişdi, Teksas İctimai Təhlükəsizlik Departamenti rəsmiləri çay boyunca axtarış işləri aparırdılar.

Ştat daxilində hazırda 41 nəfər itkin düşmüş hesab olunur. Teksas Quvernatoru Qreq Abbot bu sayın daha da arta biləcəyi barədə xəbərdarlıq edib.

ABŞ Prezidenti Donald Trampdan Təcili Yardım Bəyanatı

ABŞ prezidenti Donald Tramp fəlakətdən ən çox təsirlənən bölgə olan Kerr Qraflığı üçün "Böyük Fəlakət Bəyannaməsi"ni imzaladığını elan edib. Truth Social üzərindən etdiyi paylaşımda "Qəhrəman ilk müdaxilə qruplarımızın lazımi bütün resurslara sürətlə çıxışı təmin etmək üçün lazımi addımlar atıldı" deyə qeyd edib və əlavə edib: "Bu ailələr dəhşətli bir faciə yaşayırlar. Bir çox insan həyatını itirib, hələ də itkinlər var."

Tramp sel bölgəsini Cümə günü ziyarət etməyi planlaşdırır.

Ürək Dağlayan Görüntülər

Yataqxanalardakı nəm şilələr, oyuncaq ayılar və çöldə sürünən iş maşınları fəlakətin şiddətini gözlər önünə sərir. Xilasetmə qrupları, çətin şəraitə baxmayaraq 36 saat ərzində 850-dən çox insanı xilas ediblər.

İnqram Müstəqil Məktəb Bölgəsinin nəzarətçisi Bobbi Templeton bildirib: "Hələ də bura gəlib yaxınlarını axtaran insanlar var. Bir neçə nəfəri tapa bildik, lakin əksəriyyəti hələ də itkin düşmüş vəziyyətdədir."

Çay 45 Dəqiqədə 8 Metr Yüksəldi

Kerr Qraflığı, xüsusilə Quadalupe çayı ətrafında ən çox zərər görən bölgə olub. Ani yağıntı ilə çay səviyyəsi cəmi 45 dəqiqə ərzində təxminən 8 metr yüksəlib. Şənbə günü San Antoniadan kənar bölgələrdə yağış davam edib, ani sel fəlakəti xəbərdarlıqları qüvvədə qalıb.

Nyu-York Taymsın məlumatına görə, 27 yaşlı Julian Rayan; anası, nişanlısı Kristina Vilson və biri 6, digəri 13 aylıq uşaqları ilə birlikdə, Quadalupe çayının coşan sularının onları yuxudan oyatması ilə İnqramdakı karvan evlərinin yataq otağında sığınmışdılar.

Vilson yerli KHOU kanalına bildirib: "Su birdən içəri dolmağa başladı və biz çox su girməsin deyə qapını bağlamaq üçün mübarizə apardıq."

Julian Rayan, 4 iyul 2025-ci ildə Teksasdakı ölümcül sel sularından ailəsini xilas etdikdən sonra həyatını itirdi.

Şüşəni Sındırdı, Arteriyası Kəsildi

Cəsur ata, ailəsinin söylədiyinə görə, yataq otağının pəncərəsinə yumruq ataraq şüşəni sındırıb. Bu zaman qolundakı bir arteriyasını kəsib və qolunu demək olar ki, tamamilə qoparıb.

Nişanlısı Vilson, hadisə zamanı dəfələrlə 911-ə zəng etdiyini, lakin heç bir yardım qrupunun vaxtında evlərinə çata bilmədiyini söyləyib.

Rayan, yataq otağında sel sularının içində qan itirərkən ailəsinə "Üzr istəyirəm, bacarmayacağam. Hamınızı sevirəm" dedi.

Sular yüksəlməyə davam etdi və sonunda karvanı ortadan iki yerə ayıracaq qədər güclü oldu. Ailə, oradan qaçıb sağ qalmağı bacardı.

"O Ən Yaxşı Ata idi"

Vilson dedi: "O ən yaxşı ata idi və hər zaman çox şən idi. Nəyin bahasına olursa olsun, insanlara kömək etməkdən heç geri durmazdı."

25 min dollardan çox ianə toplayan bir GoFundMe kampaniyasında bu ifadələr yer alıb:

• "Julian ailəsi üçün həyatını verdi, əsl bir qəhrəman kimi aramızdan ayrıldı. Ailəsi onun fədakarlığına görə sonsuz minnətdar olsa da, bu itki ilə hədsiz dərəcədə sarsılıblar."

Rayanın cansız bədəni, Kerr Qraflığındakı suların çəkilməyə başlamasından saatlar sonra tapıldı.

Şok edici sel fəlakəti indiyə qədər 15-i uşaq olmaqla 59 nəfərin həyatına son qoyub. Hələ də 22 qız uşağının itkin düşdüyü bildirilir. Bunlar arasında xristianlara aid yay düşərgəsi olan Camp Mystic-dəki tələbələr də var.

32 KM Sürükləndi, Ağacdan Xilas Edildi

Digər tərəfdən, sel fəlakətində 22 yaşlı gənc bir qadın, sel sularında çay boyunca 32 kilometr sürükləndikdən sonra möcüzəvi şəkildə xilas edilib. Teksasda qaldığı düşərgədən səhər saat 4-də ani sel sularına qapılan qadın, yerli KENS 5-in məlumatına görə, dörd saat sonra bir ağaca tutunmuş halda tapılıb.

Avtomobillərin Arasında Sürükləndi

Sel suları ilə birlikdə dörd bənddən sürüklənən qadın, avtomobillər və soyuducular kimi dağıntılardan xilas olaraq sağ qalmağı bacarıb.

Karl adlı bir görgü şahidi, səhər saat 8 radələrində evinin həyətinə çıxdığında yardım qışqırıqlarını eşitdiyini söyləyib. Qadını, Lion's Park Bəndinin yaxınlığında nəhəng bir sərv ağacına tutunmuş halda görüb.

Təcili yardım zəngləri əlaqə qura bilmədiyi üçün, Karl sürətlə bir polis avtomobilini saxlayıb yardım istəyib.

Hadisə yerinə yönləndirilən iki xilasetmə botu, güclü cərəyanlarla mübarizə apararaq ağaca çatmağa çalışıb. Bu zaman su səviyyəsi kifayət qədər çəkildiyi üçün, qadın su səthindən təxminən 4 metr yuxarıda köməksiz vəziyyətdə qalmışdı. Sonunda ağacın təpəsindən botlara atlayaraq xilas edilib.

24 saat