Tedesko çıxışından narazıdır

Avropa Liqası Hədəfləri: Baş Məşqçinin Baxışı

UEFA Avropa Liqası turnirinin ilk həftəsində Fənərbaxça Dinamo Zaqrebə qonaq olacaq. Sarı-lacivərdlilərin baş məşqçisi Domeniko Tedesko mətbuat konfransında açıqlamalar verib. Tedesko bildirib ki, Fənərbaxçanın baş məşqçisi olduğunuz zaman hər turnirdə məqsədiniz maksimum nəticə əldə etməkdir. Onun fəlsəfəsi heç vaxt çox uzağı düşünməməkdir. Çox uzağı düşündükdə bəzi addımları ötürmə riski ilə üzləşə bilərsiniz.

Mourinyo İlə Bağlı Sual

Jurnalistlərdən biri Domeniko Tedeskoya belə bir sual ünvanlayıb: "Joze Mourinyo, 'Çempionlar Liqasındansa Avropa Liqası daha əlçatan hədəfdir' demişdi. Siz də bu fikirlə razısınızmı?"

Tedesko isə cavabında bildirib ki, bu mövsüm oynanılan Çempionlar Liqası seçmə oyunlarında burada deyildim. Gəlişi 13-14 gün olur. Keçmişdə nə olduğunu, nə söyləndiyini qiymətləndirə bilməyəcəyəm. 'Bu turnir bizim üçün yaxşı olardı' və ya 'digər turnir daha yaxşı olardı' kimi fikirlər söyləməyəcəyəm. Sadəcə onu deyə bilərəm ki, sabah Çempionlar Liqası matçı oynasaydıq da üzülməzdim. Bu, oyunçularıma da aiddir. Avropa Liqası turnirini də sevirəm və bu turnirdə oynamaqdan məmnunam.

Təzyiqə Davamlılıq

Domeniko Tedesko təzyiq altında işləməyə alışdığını vurğulayıb: "Mən təzyiqə alışqınam. Əslində ehtiyacım olan şey bu təzyiqi və ehtirası hiss etməkdir. Çünki siz bunu etdiyiniz zaman çoxlu sayda insanı xoşbəxt edə bilirsiniz. Mən də elə bu səbəbdən bunu etməyi sevirəm."

Hazırkı Vəziyyət

Tedesko komandanın hazırkı durumunu belə qiymətləndirib: "Hazırda mənim istədiyim səviyyədən çox-çox uzaqdayıq. Bunu bəhanə kimi söyləmirəm, amma çoxlu məşq etmə imkanımız olmayıb. Son matçlarda yaxşı futbol sərgiləyə bilmədik. Mövqe baxımından meydanda pis düzülüş sərgilədik. Çoxlu top itirdik, çoxlu ikili mübarizə uduzduq. Hətta zaman-zaman daha da pisi, ikili mübarizəyə girmədik belə. Amma mənim və komandamın işi bu vəziyyəti düzəltməkdir."

24 saat