Arda Turana gözlənilməz zərbə

"Şaxtyor" Donetsk sensasiyalı məğlubiyyətlə üzləşdi

Ukrayna Premyer Liqasının 8-ci turunda Arda Turanın baş məşqçisi olduğu "Şaxtyor" Donetsk klubu LNZ Çerkası ilə qarşılaşıb. Görüş LNZ Çerkasının 4-1 hesablı qələbəsi ilə başa çatıb.

LNZ Çerkası komandasına qələbə qazandıran qolları Denis Kuzik (14-cü dəqiqə), Mark Osei Assinor (61-ci dəqiqə), Artur Ryabov (71-ci dəqiqə) və Prosper Obah (89-cu dəqiqə) vurub. "Şaxtyor"un yeganə qolunu isə 85-ci dəqiqədə Eqor Nazarina hesabına yazdırıb.

Bu nəticə ilə "Şaxtyor" Donetsk liqada ilk məğlubiyyətini yaşayıb. 3 xalı qazanan LNZ Çerkası isə xalını 14-ə yüksəldib.

Arda Turan: "Yaşadığım ən pis gün"

Arda Turanın matçdan sonra verdiyi açıqlamalar belə olub: "Rəqibimiz LNZ-ni təbrik etmək istəyirəm. Bu gün həqiqətən də daha yaxşı oynadılar və bu nəticəyə layiq idilər. Düzünü desəm, baş məşqçi kimi çalışmağa başladığımdan bəri yaşadığım ən pis gün olduğunu düşünürəm. Bu gün hiss etdiklərim həqiqətən də sarsıdıcıdır və yəqin ki, məşqçilik karyeramda ilk dəfədir ki, belə hiss edirəm. Bütün məsuliyyəti öz üzərimə götürürəm: Komanda evdə dörd qol buraxırsa, bu tamamilə mənim məsuliyyətimdir və bundan qaçmayacağam."

24 saat