Bağçalarda "zombi sincab" vahiməsi

ABŞ və Kanadada bağçalarda müşahidə olunan yaralı və şişli sincaplar sosial mediada narahatlıq doğurub. Mütəxəssislər, xalq arasında “zombi sincaplar” kimi tanınan bu heyvanların əslində ölümcül bir epidemiya daşımadığını və xəstəliyin sincap fibromatozu olduğunu açıqlayıblar. Bağçalarda çəkilən və sosial şəbəkələrdə sürətlə yayılan görüntülərdə sincapların bədənlərinin irinli yaralar və böyük şişlərlə örtüldüyü qeydə alınıb. İlk halların keçən il Meyndə qeydə alındığı bildirilsə də, iyul ayının sonunda Reddit istifadəçisinin ağız nahiyəsində şiş olan boz sincabın fotosunu paylaşması müzakirələri yenidən alovlandırıb.

HASTALIQ QUŞ YEMLİKLƏRİ VASİTƏSİLƏ YAYILIR

Meyn Balıq və Vəhşi Təbiət Departmanının bioloqu Şevenell Veb (Shevenell Webb) bildirib ki, virus əsasən bağçalardakı quş yemlikləri vasitəsilə yayılır. Veb qeyd edib: “Eyni nöqtədə çox sayda sincap toplandığı zaman, onlardan biri xəstədirsə, virus digərlərinə sürətlə keçə bilir”.

İnsanlara yoluxurmu?

Mütəxəssislərin fikrincə, sincap fibromatozu əsasən boz sincaplarda müşahidə olunur. Bu xəstəlik insanlara və ya ev heyvanlarına keçmir, yalnız yaralar və tüpürcək vasitəsilə sincaplar arasında yayılır. Dəridə çibanabənzər, tük olmayan kütlələrin yaranmasına səbəb olan bu virus vizual olaraq qorxuducu görünsə də, əksər hallarda ölümcül deyil.

Dovşanlarda da müşahidə olunur

Pambıq quyruqlu papilloma virusu (CRPV) səbəbindən dovşanlarda buynuza bənzər şişlər, ağız, yanaq və göz ətrafında qara tükəbənzər törəmələr əmələ gəldiyi bildirilib.

Bu virus dovşanlarda dəri üzərində buynuzabənzər keratinləşmiş şişlərə səbəb olur. Bəzi şişlər metastaz verə bilər və ya böyüyərək dovşanın qidalanmasını çətinləşdirə bilər.

24 saat