Dənizkənarında ucuz ev: Dəhşətli gerçək üzə çıxdı

Dənizə Yaxın Evin Şok Qiymət Düşüşü: Səbəb Nədir?

Eastham şəhərində dəniz mənzərəli bir ev görən David Moot, 395 min dollarlıq qiyməti eşitdikdə gözlərinə inana bilmədi. Çünki eyni ev 2022-ci ildə tam 1 milyon 195 min dollara satışa çıxarılmışdı. İki il ərzində 67 faizlik dəyər itkisi, ilkin olaraq alıcılar üçün cəlbedici görünsə də, qısa müddət sonra bunun əsas səbəbi aydın oldu.

Mülk Dənizdən Cəmi 7,6 Metr Uzaqlıqda Yerləşir

Evin "sahil kənarında" təqdim edilməsi, əslində böyük bir riskin xəbərçisi idi. Belə ki, sahilyanı ərazilərdə yerləşən bu mülk, sahil xəttindən cəmi 7,6 metr məsafədədir. Bu vəziyyət, evin gələcəkdə tamamilə dəniz tərəfindən udulma ehtimalını gücləndirir. Bu ilin əvvəllərində Kaliforniyanın Dana Point bölgəsində oxşar hadisə baş vermişdi. Torpaq sürüşməsi nəticəsində üç malikanə uçurumun kənarında dayanıqsız vəziyyətə düşmüş, sahibləri böyük təhlükə ilə üzləşmişdi. Mütəxəssislərin fikrincə, Mootun aldığı ev də eyni aqibətlə qarşı-qarşıya qala bilər.

Ətraf Mühitin Mühafizəsi Agentliyindən Xəbərdarlıq

ABŞ Ətraf Mühitin Mühafizəsi Agentliyi (EPA) rəsmi internet saytında verdiyi açıqlamada bildirib ki, sahilyanı ərazilər dəniz səviyyəsinin yüksəlməsi, şiddətli yağışlar, qasırğalar və qabarma daşqınları səbəbilə davamlı su basqını və sel təhlükəsi altındadır. Açıqlamada, sahillərdən 700 fut (təxminən 213 metr) məsafədə ümumi dəyəri 1 trilyon dolları aşan əmlakların yer aldığı vurğulanaraq, "Bu mülklərin suya yaxınlığı, ifrat hava hadisələri səbəbilə zərər görmələrinə və ya tamamilə məhv olmalarına yol aça bilər" deyilib. Bu, dəniz səviyyəsinin yüksəlməsi ilə bağlı qlobal narahatlıqları bir daha gündəmə gətirir.

"Qapana Düşürsünüz"

Florida Beynəlxalq Universitetində sahil tədqiqatları laboratoriyasının direktoru Stephen Leatherman da şərq sahilindəki çimərliklərin 80-90 faizinin eroziya təhlükəsi altında olduğunu bildirib. Leatherman qeyd edib: "Orta erozita sürəti ildə bir az 60 sm-dən yuxarıdır. Lakin Cape Codda bu nisbət 90 sm-dən yuxarı çıxır. Nə qədər yavaş və ya sürətli olursa olsun, erozita sonda sizi yaxalayır."

Həyətdə 10 Ayda 1,5 Metr İtkisi

David Moot NBC Boston-a verdiyi açıqlamada, evin həyətinin cəmi 10 ayda erozita səbəbilə 1,5 metr kiçildiyini bildirib. Bu da təhlükənin nə qədər sürətlə irəlilədiyini açıq şəkildə nümayiş etdirir və eroziya təhlükəsinin real ölçülərini gözlər önünə sərir.

Vergi və Sığorta Yükü Davam Edir

Evin qiyməti düşmüş olsa da, Mootun ödəməli olduğu xərclər azalmayıb. İllik təxminən 4 min dollar əmlak vergisi verən yeni ev sahibi, eyni məbləği sığorta üçün də ödəmək məcburiyyətində qalacaq. Üstəlik, sığorta erozita səbəbli zərərləri qarşılamır. Bütün bu risklərə baxmayaraq, David Moot yeni mülkü ilə bağlı narahat görünmür. Xərcləri ödəmək üçün evi kirayə verməyi planlaşdırdığını söyləyən Moot, "Mümkün qədər çox insanın evin dadını çıxarmasını istəyirəm" deyərək, aldığı qərarın arxasında durduğunu ifadə edib.

24 saat