Prezident Əliyevdən Rəcəb Tayyib Ərdoğana təbrik mesajı: “15 İyul Vətənpərvərliyin Zəfərini Simvolizə Edən Mənalı Tarixdir”
Azərbaycan Respublikasının Prezidenti İlham Əliyev
15 İyul Demokratiya və Milli Birlik Günü münasibətilə Türkiyə Respublikasının Prezidenti Rəcəb Tayyib Ərdoğana təbrik mesajı ünvanlayıb.
Prezident Əliyev mesajında türk millətinin həmin gecə böyük qəhrəmanlıq nümayiş etdirdiyini vurğulayıb. O qeyd edib ki, cəsur və mübariz türk xalqı Türkiyə Cümhuriyyətinin konstitusiya və
demokratik əsaslarını hədəf alan qanlı dövlət çevrilişi cəhdinə qarşı sinəsini sipər edərək vətəninə, bayrağına və dövlətinə sahib çıxıb.
İlham Əliyev bildirib ki, bu gün qürurla söyləmək olar ki,
15 İyul Demokratiya və Milli Birlik Günü güclü və sarsılmaz iradənin, milli birliyin, həmrəyliyin və vətənpərvərliyin zəfərini simvolizə edən mənalı bir tarixdir. Prezident Əliyev Azərbaycan xalqının və dövlətinin dövlət çevrilişi cəhdinin ilk anlarından etibarən Türkiyənin yanında olduğunu xatırladaraq, bunun “bir millət, iki dövlət” prinsipinin konkret təzahürü olduğunu vurğulayıb.
Əliyev əlavə edib ki, Türkiyə dövlətinə qarşı yönəlmiş bu xain planın qarşısının alınması Sizin liderliyiniz, böyük fədakarlığınız və xalqınızın Sizin ətrafınızda sıx birləşməsi sayəsində mümkün olub. Qardaş ölkə bu ağır sınaqdan da başı dik, alnı açıq və daha da güclənərək çıxaraq bütün dünyaya qüdrətini bir daha sübut edib.
Terrorla mübarizə və strateji müttəfiqlik
Prezident Əliyev Türkiyənin terrordan azad gələcək qurmaq əzminə diqqət çəkərək qeyd edib ki, PKK terror təşkilatının özünü buraxmaq və silahı yerə qoymaq qərarı Sizin güclü siyasi iradənizin parlaq nəticəsi, milli birliyin və həmrəyliyin qələbəsi olub.
İlham Əliyev
Türkiyə-Azərbaycan münasibətlərinə toxunaraq deyib: “Bu gün Azərbaycan və Türkiyə gələcəyə doğru çiyin-çiyinə, inamla və uğurla irəliləyir. Ölkələrimizin sarsılmaz qardaşlığı, dünyada bənzəri olmayan birliyi və strateji müttəfiqliyi həm bölgəmiz, həm də bütün dünya üçün mühüm təhlükəsizlik, tərəfdaşlıq və inkişaf amilidir. Əminəm ki, tarix boyu bir-birinə dəstək olmuş qardaş xalqlarımızın iradəsindən və Şuşa Bəyannaməsindən qaynaqlanan strateji müttəfiqliyimiz, birgə səylərimizlə bundan sonra da daha da möhkəmlənəcək və dərinləşəcək”.
Prezident Əliyev mesajını Prezident Ərdoğana sağlamlıq və uğurlar arzusu ilə tamamlayıb.
Xarici İşlər Nazirliyindən dəstək mesajı
Digər tərəfdən, Azərbaycan Xarici İşlər Nazirliyi də
15 İyul Demokratiya və Milli Birlik Günü münasibətilə Türkiyəyə dəstək mesajı yayımlayıb. Nazirliyin X (keçmiş Tvitter) hesabından edilən paylaşımda 2016-cı il 15 İyul tarixinin türk xalqının dövlətinə və milli iradəsinə sahib çıxdığı şanlı bir tarix olduğu bildirilib.
Açıqlamada qeyd olunub: “Dövlət çevrilişi cəhdinin qarşısının alınması uğrunda canlarını fəda edən şəhidlərin əziz xatirəsini dərin hörmət və minnətdarlıqla anırıq. Türk millətinin birliyi və qətiyyəti sayəsində yazılan bu dastan sülhə, sabitliyə və ortaq dəyərlərin qorunmasına verilən töhfədir.
15 İyul Demokratiya və Milli Birlik Gününüz mübarək olsun, əziz Türkiyə!”
24 saat
