İbrahim Yıldızın reanimasiyadakı vəziyyəti açıqlandı

HADİSƏNİN TƏFƏRRÜATLARI

Aktyor İbrahim Yıldız avqustun 15-də Kartalın Orta Məhəllə Nur Küçəsində güclü fırtına nəticəsində yola sürünən plastik tabureti tutmağa çalışarkən aşan ağacın altında qalıb. Ətrafdakıların müdaxiləsi ilə ağacın altından çıxarılan 27 yaşlı aktyor təcili yardım maşını ilə Marmara Universiteti Pendik Tədris və Araşdırma Xəstəxanasına çatdırılıb.

SAĞLAMLIQ VƏZİYYƏTİ HAQDA YENİLƏNMƏ

Reanimasiya şöbəsində müalicə alan aktyorun son vəziyyəti barədə həmkarı Bahar Şahin məlumat verib. Şahin bildirib ki, “İbrahimin vəziyyəti yaxşılaşır. Əgər bu gənc səs-küyə səbəb olan biri olsaydı, xəstəxana qapılarında çəkiliş aparardılar, amma indi xəbəri çətinliklə əldə edirik. Çox təəssüf. Dualarımız səninlədir, İbrahim, hər şey keçəcək, inanıram.” Bahar Şahin növbəti paylaşımında “Xahiş edirəm tez bir zamanda yayaq” qeydi ilə Yıldızın qana ehtiyac olduğunu da elan edib.

KARYERA YOLU

İbrahim Yıldız “Bir Zamanlar Kıbrıs”, “Muhteşem Yüzyıl”, “Duy Beni”, “Kuzey Yıldızı”, “Tek Yürek” və “Tombala” seriallarında, eləcə də 2018-ci ildə nümayiş olunan “Keşif” adlı müharibə və aksiyon filmində rol alıb. O, 2019-cu ildə səhnəyə qoyulan “Miletos Gözəli” və 2020-ci ildəki “Ezop” teatr tamaşalarının heyətində də yer almışdı.

Teatr

24 saat