Kənan Yıldıza böyük tələbat var, rekord qıra bilər

İtaliyanın nəhəng klubu "Juventus"da göstərdiyi uğurlu çıxışla diqqətləri üzərinə çəkən Türkiyə milli komandasının futbolçusu Kənan Yıldız Avropanın aparıcı klublarının maraq dairəsindədir. ## Kənan Yıldız üçün transfer iddiaları Adı İngiltərə klubları ilə hallanan 20 yaşlı ulduz futbolçu üçün gözlənilməz bir transfer iddiası ortaya atılıb. TuttoJuve-nin xəbərinə görə, "Arsenal" Kənan Yıldız üçün bir daha hərəkətə keçib. İtalyan nəhəngi isə milli futbolçuya yeni müqavilə təklif etməyə hazırlaşır. Eyni zamanda, "Arsenal"ın marağını azaltmaq üçün transfer qiymətini də müəyyənləşdirib. ## Transfer məbləği və gözləntilər Sözügedən xəbərə görə, "Juventus" 100 milyon avro civarında gələcək təklifləri dəyərləndirəcək, daha aşağı təklifləri isə qəbul etməyəcək. Kənan Yıldız bu məbləğdə bir transferə imza atsa, Türkiyə futbol tarixində ən yüksək transfer məbləği ödənilən futbolçu kimi tarixə düşəcək. Hazırda bu siyahıya 2015/16 mövsümündə 34 milyon avroya "Atletiko Madrid"dən "Barselona"ya transfer olan Arda Turan başçılıq edir. ## Kopa Trophy-də ilk beşlikdə Milli ulduz Kopa Trophy-də də bu mövsüm adından söz etdirməyi bacarıb. "Barselona"nın 18 yaşlı ispan ulduzu Lamine Yamal mövsümün ən yaxşı 21 yaş altı oyunçusuna verilən Kopa Trophy-ni ardıcıl ikinci dəfə qazanmağı bacarıb. "Juventus"da forma geyən milli futbolçu Kənan Yıldız isə Kopa Trophy səsverməsində 5-ci sırada yer alıb.

24 saat