Kamila Valiyevanın etirafı dünyanı ağlatdı

Kamila Valiyevanın böyük səhnəyə qayıdışı

Kamila Vəliyevanın qayıdışı - Kamila Valiyevanın etirafı dünyanı ağlatdı - Dörd illik yarış fasiləsinə baxmayaraq, Kamila Valiyeva fiqurlu konkisürmə həvəskarları arasında yenidən böyük səs-küyə səbəb olub. Moskvada keçirilən tullanma üzrə Rusiya çempionatında minlərlə pərəstişkarın səbirsizliklə gözlədiyi hadisə baş verdi – Valiyevanın buz üzərinə qayıdışı. Uzun fasiləyə rəğmən, məşhur rusiyalı idmançı bütün dünyada ona sevgi qazandıran məxsusi zərifliyini itirmədiyini nümayiş etdirdi.

Turnirin iştirakçı siyahısında Valiyevanın adının görünməsi təkcə Rusiyada deyil, bütün dünyada misli görünməmiş marağa səbəb oldu. İdmançının dünyanın o tayındakı pərəstişkarları sırf onun qayıdışını izləmək üçün sübh tezdən oyanmışdılar. Dörd illik diskvalifikasiya müddətini başa vuran tanınmış fiqurlu konkisürən, ötən illər ərzində özünəməxsus üslubunu qoruduğunu göstərdi. Hətta o, pərəstişkarlarını dördlü tuluqla sevindirdi.

Dördüncü nəticə ilə yarımfinala vəsiqə qazanan Kamila, uzun müddət yarışlardan kənarda qalmasına baxmayaraq, bir çox rəqibini geridə qoydu. Bu nəticə idmançını tam qane etdi. Çıxışından sonra o, emosiyalarını güclə cilovlayırdı.

“Mən bütün azarkeşlərə və tamaşaçılara, məni dəstəkləyən hər kəsə çox böyük təşəkkürümü bildirmək istəyirəm. Ura, nəhayət ki, mən buradayam! Dəstəyiniz üçün minnətdaram! Hisslərim heyrətamizdir. Məncə, bu, bütün bu müddət ərzində həyatımda baş verən ən yaxşı hadisədir. Mən bu idman növünü çox sevirəm və burada olmaqdan xoşbəxtəm”, – deyə Valiyevanın sözlərini “Matç TV” yayımlayıb.

Kraliçanın möhtəşəm qayıdışı

Böyük idmana inamlı qayıdış təkcə rusiyalı fiqurlu konkisürmə həvəskarları arasında deyil, həm də Kamilanın xaricdəki çoxsaylı pərəstişkarları arasında müsbət emosiyalara səbəb oldu. Onlar sosial şəbəkələrdə Valiyevanın tullanışlarına heyranlıqlarını bildirir, hətta bəziləri göz yaşlarını saxlaya bilmirdilər.

@panzer_3186 adlı istifadəçi yazır: “Nəhayət, kraliçanın möhtəşəm qayıdışı!”

Meksikadan bir menecer olduğunu bildirən @almagarcia8619 isə çağırış edir: “Ən yaxşı rusiyalı fiqurlu konkisürənin qayıdışını qeyd etmək vaxtıdır! Uğurlar!”

@dear_Valieva adlı istifadəçi isə səhvini etiraf edir: “Düzünü desəm, dördlü tullanmanı yerinə yetirmək üçün ona daha çox vaxt lazım olacağını düşünürdüm. Necə də yanılmışam! Kamila Valiyeva görkəmli fiqurlu konkisürəndir. Bu, çox ruhlandırıcıdır.”

@skate_4S4T3A emosiyalarını belə ifadə edir: “Artıq dörd il keçib! O, fasilədən sonra qayıdıb və artıq dördlü tuluq edir. Bu, məni o vaxt keçirdiyim sevinc dolu hisslərə qaytarır.”

Perudan olan @Catalina_Estevez isə arzularını çatdırır: “Kamila Valiyevanı yenidən görməyə necə də şadam! Yeni mövsümdə ona bütün dəstəyimi göndərirəm. Perudan salamlar.”

@jeffw668 etiraf edir: “Onun bununla məşğul olduğunu görmək necə də gözəldir! Bu, mənim əhvalımı yüksəltdi!”

Tacikistandan olan @СулхияМирсолиева yazır: “Nə qədər sevindirici! Afərin! Sənə uğurlar! Biz Tacikistandan izləyirik.”

@valievas_wife isə belə deyir: “Valiyevanın qayıdışını izləmək üçün şənbə günü tezdən oyanmalı oldum, lənət olsun!”

24 saat