Qara Dəlik Bombası Sınaqdan Keçdi: Nüvə Təhlükəsi Kölgədə Qaldı

Qara Dəliklərin Sirrini Açan "Bomba" Təcrübəsi

Qlazqo Universitetinin alimləri qara dəliklərin dağıdıcı qüvvəsini sınaqdan keçirmək üçün nəzərdə tutulmuş bir sistem olan Qara Dəlik Bombasını yaradıblar. Onlar həqiqi bir qara dəlik yaratmadan, maqnit sahələrini gücləndirmək üçün hazırlanmış güzgü mexanizmi vasitəsilə bu konsepsiyanı gerçəkləşdiriblər. Qara Dəlik Bombası ilk sınaq zamanı partlayışla nəticələnərək, qara dəliklərin potensial enerji istehsal qabiliyyətini nisbi şəkildə nümayiş etdirdi.

"Pıqqıltı"dan Triylon Nüvə Gücünə

Tədqiqatın həmmüəlliflərindən Professor Danielle Faccio, baş verən partlayışın miqyasının mütənasib olduğunu xüsusi vurğulayıb. Faccio bu hadisəni "partlayışdan daha çox, yüngül bir "pıqqıltı" səsi" kimi təsvir edərək, sistemin ölçüləri artırılarsa, nəticələrin qat-qat ciddi ola biləcəyini əlavə edib. Bu təcrübənin əsasını fırlanan bir cisimdən enerji əldə etmə ideyası təşkil edir. Professor Faccio qara dəliyin yaxınlığındakı obyektlərin dönmə hərəkəti nəticəsində enerji qazana biləcəyini bildirib. Faccio izah edib ki, kənardan baxdıqda, hər hansı bir cismin və ya dalğanın qara dəlikdən əks olunaraq enerji topladığını görmək mümkündür. Əgər bu enerji qara dəliklə güzgülər arasında sıxışaraq istiqamətləndirilərsə, sistem daxilindəki dalğa davamlı olaraq güclənir. Nəzarət edilmədikdə bu proses böyük bir enerji partlayışına səbəb ola bilər. Faccionun sözlərinə görə, Qara Dəlik Bombası bu üsulla "bir trilyon nüvə raketindən daha partlayıcı" gücə malik ola bilər.

Təcrübə Necə Həyata Keçirildi?

Təcrübədə fırlanan üç metal dolağın içinə yerləşdirilmiş kiçik bir alüminium silindr istifadə olunub. Bu dolaqlar güzgü rolunu oynayaraq maqnit sahələrini sistemə geri əks etdirib. Zaman keçdikcə bu siqnallar daha da böyüyüb. Beləliklə, qara dəlik ətrafında nəzəri olaraq yarana biləcək enerji toplanması Yerdə, nəzarətli bir mühitdə müşahidə edilib. Təcrübə həqiqi bir qara dəliyi imitasiya etməsə də, qara dəliyin fizikasına dair mühüm bir təsdiq təmin etdi.

Portuqaliyadakı Instituto Superior Técnico-dan Professor Vito Cardoso işə birbaşa qatılmasa da, istifadə olunan prinsipinin "superradiasiya" adlanan fiziki hadisə ilə əlaqəli olduğunu bildirib. Cardoso açıqlayıb ki, sadə dillə desək, aşağı tezlikli səs və ya elektromaqnit dalğalarını fırlanan bir silindrə göndərdikdə, bəzi dalğalar daha çox enerji ilə geri qayıdır. Bu da enerjinin fırlanan bir cisimdən dalğalara ötürüldüyünü sübut edir.

24 saat