Samsunspor Avropa Liqasından kənarda qaldı

Samsunspor Avropa Liqasına vida etdi

UEFA Avropa Liqasının pley-off mərhələsinin cavab matçında Samsunspor və Panatinaikos komandaları Yeni 19 May stadionunda qarşılaşıblar. Səfərdə keçirilən ilk oyunda 2-1 hesabı ilə məğlub olan Samsunspor, öz meydanında rəqibi ilə 0-0 hesablı heç-heçə edərək UEFA Avropa Liqası ilə vidalaşıb.

Samsunspor yoluna Konfrans Liqasında davam edəcək

Türkiyə təmsilçisi Avropa arenasında mübarizəsini UEFA Konfrans Liqasında davam etdirəcək. Komanda, qrup mərhələsinə vəsiqə qazanmaq üçün mübarizə aparacaq.

Stadionda böyük coşqu

27 il sonra ilk dəfə azarkeşləri önündə Avropa matçına çıxan Samsunsporun oyununa hər iki komandanın azarkeşləri böyük maraq göstərib. Satışa çıxarılan biletlərin əksəriyyəti satılıb. Qarşılaşmanı 26 min futbolsevər izləyib. Stadionda yaşanan coşğu, komandanın Avropa arenasına qayıdışının əlamətdar olduğunu bir daha göstərdi.

Təhlükəsizlik tədbirləri gücləndirildi

Samsunspor–Panatinaikos cavab oyunu, UEFA tərəfindən ən yüksək riskli matçlar kateqoriyasına daxil edilib. Bu səbəbdən Samsun Valiliyi və İl Emniyet Müdürlüyü tərəfindən geniş təhlükəsizlik tədbirləri görülüb. Qarşılaşmada 1015 polis və 550 mühafizəçi vəzifə yerində olub.

24 saat