“Galatasaray” klubunun ulduz futbolçusu Icardinin şəxsi həyatı gündəmdə qalmaqda davam edir. Argentinada iki qızını görmək istəyən futbolçu sabiq həyat yoldaşı Wanda Naranın evinin qarşısında düz 10 saat gözləyib. Wanda Nara qapını açmayıb və cütlük arasında yenidən böhran yaranıb.
Icardi ilə Wanda Nara arasındakı fikir ayrılığı səbəbindən polis hadisəyə müdaxilə edib. Baş verənlər ölkə mediasının bəzi kanallarında canlı yayımlanıb. Uzunmüddətli gözləntidən sonra argentinalı ulduz polis əməkdaşlarının köməyi ilə qızları ilə görüşməyi bacarıb.
Galatasarayın hazırlıq düşərgəsinə gecikmə ehtimalı
Argentinalı ulduzun şəxsi həyatındakı bu ixtilaflar “Galatasaray”ın 4 iyulda başlayacaq yeni mövsüm hazırlıq düşərgəsinə qatılmasına təsir edə bilər. Ulduz futbolçu qızları ilə bir müddət vaxt keçirdikdən sonra İstanbula qayıdacaq. Bu isə onun düşərgəyə bir neçə gün gecikməklə qatıla biləcəyi deməkdir.