Yeni Kosmik Pandemiya: Dünya Fəlakət Astanasında

İnsanlıq hələ də Covid-19 pandemiyasının ağır zərbələrindən qurtulmamışkən, kosmosdan gələn yeni bir təhlükə gündəmə gəlib. Marsdan Yer kürəsinə gətiriləcək Mars nümunələrinin qlobal miqyasda daha ölümcül bir pandemiyaya səbəb ola biləcəyi barədə xəbərdarlıqlar edilir. Üstəlik, bu dəfə təhlükə səmadan və başqa bir planetdən gəlir.

Böyük Risk Xəbərdarlığı

The Mirror-a danışan astrobioloq Barri DiQreqorio, NASA-nın gələcəkdə Mars nümunələrini Yerə gətirmə planlarının insanlıq üçün böyük bir bioloji risk daşıdığını bildirib. DiQreqorionun fikrincə, Mars səthindən gətiriləcək torpaq və qaya parçaları naməlum patogenlərlə dolu ola bilər və bu vəziyyət təkcə elmi-fantastik filmlərdə deyil, real dünyada da bir kabusa çevrilə bilər.

NASA-nın Görünməz Həyat İddiaları

Digər tərəfdən, DiQreqorio NASA ilə bağlı diqqətçəkən bir iddia irəli sürərək qeyd edib: "Marsda həyatın olduğuna dair ilk sübut 1976-cı ildə Vikinq missiyası zamanı aşkar edildi. Lakin NASA bunu həmişə görməzdən gəldi."

Nəzarətsiz Epidemiya Potensialı

DiQreqorionun sözlərinə görə, əgər bu Mars nümunələri nəzarətsiz şəkildə Yerə gətirilərsə, Marsın sərt ekoloji şəraitinə uyğunlaşmış ekstremofillər, yəni ekstremal şəraitdə sağ qala bilən mikroorqanizmlər Yer kürəsində yayıla və nəzarət altına alınmaz bir epidemiya yarada bilər.

Astronavtlar Üçün Ölümcül Senari

Bundan əlavə, DiQreqorio Marsa insan göndərmə planlarına da diqqət çəkib. O, NASA-nın 2030-cu illərdə insanlı Mars missiyası planladığını xatırladaraq bildirib ki, astronavtlar Marsda fəaliyyət göstərərkən naməlum bir xəstəliyə yoluxa bilər və bu faciə canlı yayımda yaşana bilər: "Bayraq sancmaq üçün çölə çıxan astronavt, ertəsi gün kosmik bir mikrob ucbatından xəstələnə bilər. Geri dönüş yoxdur, yardım yoxdur."

Missiyanın Ləğvi və Qeyri-müəyyənlik

NASA Marsdan nümunələri Yerə gətirməyi hədəfləyən "Mars Sample Return (MSR)" missiyasını planlaşdırırdı. Lakin bu layihə ABŞ prezidenti Donald Trampın büdcə kəsintiləri səbəbindən ləğv edildi. Agentlik indi bu nümunələri daha az xərcli yollarla gətirməyi planlaşdırır, lakin hələ ki, dəqiq bir strategiya açıqlanmayıb.

NASA Daxilindəki Narahatlıqlar

Təkcə kənardan deyil, NASA-nın daxilindən də ciddi xəbərdarlıqlar gəlir. Agentliyin keçmiş Planetar Mühafizə Rəsmisi Katrin Konli (Catharine Conley) Mars 2020 missiyasının kifayət qədər sterilizasiya edilmədiyini və topladığı materialların Yer həyatı ilə qarışa biləcəyini söyləyib. Bu açıqlamaların ardınca Konlinin qurumdan uzaqlaşdırıldığı iddia edilir.

24 saat