Almaniyada Təqaüd Ödənişlərində Yeni Era: Nağd Pul Dövrü Sona Çatır
Almaniyada təqaüdçülərə on illərdir tətbiq edilən nağd maaş ödənişi sistemi 2026-cı il yanvarın 1-dən etibarən dayandırılacaq. Deutsche Post pensiya ödənişlərinin kassalardan nağd verilməsi praktikasını tamamilə ləğv edərək, vəsaitlərin yalnız bank hesabı vasitəsilə həyata keçiriləcəyini elan etdi.
Bir Dönəm Başlayır
Hal-hazırda Deutsche Post kassalarından pensiyasını nağd şəkildə alanların sayı bir neçə min nəfərlə məhdudlaşdırılsa da, bu xidmət uzun illərdir bir çox yaşlı vətəndaş üçün gündəlik həyatın ayrılmaz hissəsi idi. Yeni tənzimləmə ilə nağd ödəniş seçimi ləğv ediləcək, hesabı olmayan pensiyaçılar üçün ödənişlər isə müvəqqəti olaraq dayandırılacaq. Səlahiyyətli qurumlar bildirib ki, haqq qazanılmış pensiyalar qətiyyən ləğv edilməyəcək, lakin lazımi hesab açılana qədər ödənişlər həyata keçirilə bilməyəcək.
Kimlər Təsirə Məruz Qalacaq?
Bu dəyişiklikdən ən çox yaşlı təqaüdçülər, evsizlər, səhhət problemləri səbəbindən bank əməliyyatlarını yerinə yetirə bilməyənlər və hesabları üzərinə həbs qoyulmuş şəxslər təsirlənəcək. Almaniya Təqaüd Sığortası bu vəziyyətdə olan şəxslərə zərər görməmələri üçün tez bir zamanda bank hesabı açmağı tövsiyə edir.
Hər Kəsin Haqqı Var
Avropa Birliyi vətəndaşı olan hər kəsin qanuni olaraq əsas bank hesabı (Basiskonto) açmaq hüququ var. Bu hesablarda kredit limiti olmasa da, köçürmə, avtomatik ödəniş tapşırığı və kartla ödəniş kimi əsas xidmətlər təmin edilir. Alternativ olaraq, pensiyalar etibarlı bir ailə üzvünün hesabına da yönləndirilə bilər. Bunun üçün Deutsche Post-un Rentenservice səhifəsindən “Antrag auf unbare Zahlung einer Rente” (Nağdsız ödəniş üçün ərizə) formunu dolduraraq Berlinin Rentenservice mərkəzinə göndərmək tələb olunur.
Məcburi Keçid Başlayır
2026-cı ildən etibarən bütün təqaüdçülər üçün bank hesabı şərti məcburi olacaq. Beləliklə, Almaniyada nağd maaş dövrü tamamilə sona çatacaq, rəqəmsal və bankçılıq infrastrukturu vasitəsilə ödəniş sisteminə keçid təmin ediləcək.
Oxucu Şərhləri
Şərh Yaz