25 milyonluq miras qalmaqalı: Hulk Hogan qızını sarsıtdı

Milyon Dollarlıq Miras Anlaşılmazlığı: Hulk Hoqan Qızını Vəsiyyətnamədən Çıxardı

İyul ayında 71 yaşında dünyasını dəyişən, dünyaca məşhur güləş əfsanəsi Hulk Hoqan (əsl adı Terri Bollea), geridə qoyduğu vəsiyyətnamə ilə pərəstişkarlarını və ictimaiyyəti təəccübləndirib. Amerikan güləşinin 1980-ci və 1990-cı illərindəki ikonik fiquru olan Hoqanın, qızı Bruk Hoqanı mirasından tamamilə çıxardığı ortaya çıxıb.

Qızını Mirasından Tamamilə Çıxardı

Hulk Hoqan ilk vəsiyyətnaməsini 2016-cı ildə imzalamışdı. Lakin vəfatından iki il əvvəl, yəni 2023-cü ildə tərtib etdiyi son vəsiyyətnaməsində böyük bir dəyişiklik edərək 37 yaşlı realiti-şou ulduzu və müğənni qızı Brukun adını siyahıdan çıxardı.

Həmin vəsiyyətnamədə deyilir: “Heç bir şərtlə Bruk E. Bollea və ya onun nəslindən olanlar mənim vəsiyyətnaməmdən faydalanan şəxs kimi qəbul edilməyəcək. Övladlarıma və ya birbaşa nəslimə dair hər hansı bir istinad Bruk E. Bolleanı və onun nəslindən olanları əhatə etməyəcəkdir.” Həmçinin, Brukun və ailəsinin miras hüququ prinsiplərinə əsasən, mirasın idarəedilməsində heç bir təmsilçilik hüququnun olmayacağı açıq şəkildə vurğulanıb.

"Atamın Qərarı Mənim Üçün Sürpriz Olmadı"

Məşhur güləşçinin sərvətinin təxminən 25 milyon dollar olduğu təxmin edilir. Hoqanın bu qərarının ailə daxilində necə əks-səda doğurduğu maraq doğurarkən, diqqətlər birbaşa mirasdan çıxarılan Bruka yönəldi. Lakin Bruk Hoqanın açıqlamaları hər kəsi təəccübləndirdi.

TMZ-ə danışan Bruk Hoqan, atasının qərarını yetkinliklə qarşıladığını və bunun əslində öz seçimi olduğunu bildirdi. Bruk deyib: “Atamın qərarı mənim üçün sürpriz deyil. Bu, mənim də istədiyim bir şey idi. Heç bir peşmançılığım yoxdur. Atam uzun müddətdir ki, mənim öz ayaqlarım üzərində dayandığımı bilir. Onun puluna ehtiyac duymadan həyatımı qurmuşam.”

Brukun bu açıqlaması, ailə daxilindəki mümkün böhran ehtimalını sakitləşdirsə də, eyni zamanda Hoqanın vəsiyyətnaməsini daha da diqqətçəkən etdi.

24 saat