ABŞ-DA QIZILCA YENİDƏN HƏYƏCAN TƏBİLİ ÇALIR
Aşı ilə qarşısı alına bilən qızılca xəstəliyi Amerika Birləşmiş Ştatlarında yenidən həyəcan təbili çalır. Son illərdə artan aşı əleyhdarlığı, illər əvvəl nəzarət altına alınan bu xəstəliyin təkrarən gündəmə gəlməsinə səbəb olub. Ölkədə 1300-ə yaxın halın qeydə alınması, son 33 ilin ən yüksək göstəricisidir.
SALĞIN GENİŞ ƏRAZİLƏRİ ƏHATƏ EDİR
Xəstəliyin ABŞ-da ciddi həddə çatdığı bildirilir. Artıq 39 ştatda və Kolumbiya Dairəsində halları qeydə alınıb. Təəssüf ki, epidemiyanın qurbanı olan ən azı 3 nəfər həyatını itirib, 155 xəstə isə xəstəxanalarda müalicəyə cəlb edilib. Səhiyyə orqanlarının məlumatına görmü, halların 92 faizi ya aşılanma aparılmayan, ya da aşı vəziyyəti bilinməyən şəxslər arasında müşahidə olunur.
Epidemiyadan ən çox təsirlənən ştat Texas olub, burada 700-dən çox hal aşkarlanıb. Kanzas və Nyu-Meksiko kimi ştatlarda da onlarla hal qeydə alınıb. Bu salğının xüsusilə peyvənd nisbətlərinin aşağı olduğu, Mennonit icmaları kimi müasir tibbi rədd edən bölgələrdə daha sürətlə yayıldığı vurğulanır.
AŞILANMAYA QARŞI MÖVQE TƏHLÜKƏLİDİR
Bu epidemi təkcə ABŞ-da deyil, dünya miqyasında da artan aşı əleyhdarlığı mövzusunu yenidən gündəmə gətirib. ABŞ-ın Səhiyyə Naziri Robert F. Kennedy Jr. daha əvvəl uşaqlıq dövrü peyvəndləri ilə bağlı yanlış məlumatlar yaymışdı. Lakin o, sonradan verdiyi açıqlamada "Peyvənd qızılcanın qarşısını almağın ən təsirli yoludur" ifadələrini işlətmişdi.
ABŞ-da xəstəliyin halları 1990-cı ildə təxminən 28 min səviyyəsində idi. İllər ərzində görülən tədbirlər və yüksək aşılanma nisbətləri sayəsində bu rəqəm 2000-ci illərin əvvəllərində 90-dan aşağı düşmüşdü. Lakin 2014 və 2019-cu illərdə halların sayında yenidən artım müşahidə edildi. Bu gün yaşanan yüksəliş, aşılama mövzusundakı məlumatsızlıq və yalan məlumatların yayılmasının nə qədər təsirli ola biləcəyini bir daha nümayiş etdirir.