ABŞ Prezidentinin gizli qalmaqalı ifşa oldu

ABŞ prezidenti Donald Tramp, uşaq zorakılığı və onların varlı, tanınmış şəxslərlə cinsi istismarına dair beynəlxalq şəbəkənin rəhbəri Jeffrey Epstein ilə dostluğunu aylardır təkzib edir. Onların çoxsaylı fotoları, bir-birlərinə ünvanladıqları mesajlar və dostluqlarına şahid olan şəxslərin ifadələrinə baxmayaraq, Tramp uşaq fahişəliyi şəbəkəsinin lideri ilə əlaqələrini tamamilə rədd edir, hətta bu məlumatları yayan mediaya qarşı iddia qaldırır. Lakin ABŞ Təmsilçilər Palatasının Nəzarət Komitəsinin bazar ertəsi Jeffrey Epsteinin mirasından yüzlərlə səhifəlik sənədi açıqlaması, Trampın inkar etdiyi dostluğu bir daha təsdiqlədi.

ABŞ Prezidentinin Yayımlanan Qeydi

Açıqlanan sənədlər arasında Jeffrey Epstei̇nin 50 illik yubileyi münasibətilə təqdim edildiyi iddia olunan və yüksək profilli şəxslərdən mesajları ehtiva edən bir "ad günü kitabı" da yer alırdı. Bu kitabda tanınmış simaların Epstein üçün yazdığı təbriklər mövcud idi. Günün əvvəllərində Demokrat Partiyasının üzvləri kitabın bəzi hissələrini ictimaiyyətlə bölüşdülər. Bu hissələr arasında Donald Trampın imzasını daşıyan bir rəsm və qeyd də var idi. Həmin qeyd Tramp və Epstein arasındakı dialoqu əks etdirir. Qeyddə Tramp "Həyatın hər şeyə sahib olmaqdan başqa bir mənası olmalıdır" dedikdə, Epstein isə "Bəli, var, amma mən sənə mənasının nə olduğunu deməyəcəyəm" deyir. Yazının tamamı çılpaq qadın bədəni rəsminin üzərində idi. Bu rəsmin Donald Tramp tərəfindən çəkildiyi iddia edilir. Dialoq “Ad günün mübarək və hər gün başqa bir sirr olsun” cümləsi ilə başa çatırdı.

238 Səhifəlik Sənədlər Skandalı

Ağ Ev isə Trampın nə rəsmi çəkdiyini, nə də qeydi imzaladığını bildirdi. Prezidentin adı ilə bağlı bu detal ictimaiyyətdə sürətlə müzakirələrə səbəb oldu. Kitabın ümumi həcmi 238 səhifə təşkil edir və Epsteinin uşaqlıq illərindən iş həyatına qədər olan dövrə aid müxtəlif qeydləri ehtiva edir. Sensuralı görüntülər arasında Epsteinin əlində "DJTRUMP" imzalı böyük bir çeklə poz verdiyi fotoşəkil də var idi. Şəklin altında “Jeffrey pul və qadınlarla erkən bacarıqlarını nümayiş etdirir” yazılmışdı. Bundan əlavə, rəqəmsal formada hazırlanmış bəzi rəsmlər, cinsi məzmunlu səhnələr və maskalı pozlar diqqət çəkirdi. Komitənin sədri Ceyms Komer sənədlərin yayımlanmasından sonra Demokratları tənqid edərək bildirdi ki, "Demokratların seçmə sənədlər dərc etməsi və onları siyasiləşdirməsi rüsvayçılıqdır".

İnkarlar Ardı-Ardıya

Nəzarət Komitəsi sənədləri Epsteinin mirasından tələb olunan fayllarla birlikdə əldə etdi. Komitə indi Epsteinin maliyyə qeydlərinə və potensial müştəri siyahılarına çatmağa çalışır. Ədliyyə Nazirliyi belə bir siyahının olmadığını açıqlasa da, ictimai təzyiq və sui-qəsd nəzəriyyələri müzakirələri daha da qızışdırır.

24 saat