Abşeron-Xızı Təhsil İdarəsi müdir müavini Aynur Rüstəmovadan ilginc sızıntı

Aynur Rüstəmovanın İkiqat Vəzifə Məsələsi

Abşeron-Xızı Regional Təhsil İdarəsinin müdir müavini Aynur Rüstəmovanın həm də Azərbaycan Respublikasının Təhsil İnstitutunun (ARTİ) Metodik Dəstək Mərkəzində Beynəlxalq Əlaqələndirmə şöbəsinin müdiri kimi fəaliyyət göstərməsi ictimaiyyətdə suallar doğurur. Bir şəxsin eyni vaxtda iki mühüm vəzifəni icra etməsi və bu vəzifələr arasında yaranan uyğunsuzluqlar diqqəti cəlb edir.

Vəzifə Təyinatları və Ziddiyyətli Fəaliyyət

2022-ci ildən ARTİ-nin Metodik Dəstək Mərkəzində Metodik Xidmətin Əlaqələndirmə Şöbəsinin müdiri vəzifəsində çalışan Aynur Rüstəmova daha sonra 22 apreldən Abşeron-Xızı Regional Təhsil İdarəsinin müdir müavini təyin edilib. Lakin MİQ və Sertifikasiya imtahanları zamanı o, yenə də ARTİ mütəxəssisi kimi çıxış edərək, yeni iş yerində – regional idarədə – olmayıb. Bundan əlavə, ARTİ-dən ayrıldığını bildirsə də, qurumun işlərini kənardan idarə etdiyi iddia olunur.

Aynur Rüstəmovanın Davranışları Tənqid Hədəfində

Aynur Rüstəmovanın vəzifəyə təyin olunduğu vaxtdan etibarən sərgilədiyi xoşagəlməz rəftar və hegemonluq təhsil ictimaiyyətində narazılığa səbəb olur. Onun bu davranışları 15 may 2025-ci il tarixli iclasda daha qabarıq şəkildə özünü göstərib. İclasda direktorlara qarşı qeyri-etik idarəetmə metodları tətbiq etməsi, "Məni başqası ilə qarışdırmayın, mən belə, mən elə" kimi ifadələrlə öz hökmranlığını nümayiş etdirməsi təhsil işçiləri tərəfindən tənqid olunur. Bu cür hərəkətlərin onun öz şəxsiyyətini alçaltdığı və niyyətini açıq şəkildə ortaya qoyduğu vurğulanır.

ARTİ-dən Abşeron-Xızı Regional Təhsil İdarəsinə Köçürülən Sistem İddiaları

ARTİ-dəki fəaliyyətləri, layihələrdə iştirakı, sahibkarlıqla məşğul olması və şəxsi qərəzliliklə tanınan şəxsin hazırda Abşeron-Xızı Regional Təhsil İdarəsində "haqq-ədalət bərpa edəcəyini" dilə gətirməsi müəmmalı qarşılanır. Halbuki, ARTİ-də maliyyə intizamsızlığı ilə bağlı ciddi iddiaların səsləndirildiyi qeyd olunur. Təhsil ictimaiyyəti adıçəkilən şəxsin ARTİ-də yaratdığı sistemləri buraya daşıyacağından və öz ətrafını formalaşdıracağından narahatdır. Məsələ ilə bağlı susqunluğun səbəbləri isə açıq qalıb.

24 saat