DÜNYA ŞÖHRƏTLİ MİLYARDER BODRUMDA LÜKS YAHTASI İLƏ DİQQƏT ÇƏKİB
Ailəsi ilə tez-tez Bodruma tətilə gələn, dünya şöhrətli milyarder, Azteca TV və Elecktra Group-un idarə heyətinin sədri, ölkəsinin ən varlı şəxsi Ricardo Salinas Pliego, həyat yoldaşı Maria Laura Medina və övladları Ricardo Emilio, Cristóbal Patricio ilə birlikdə 104 metr uzunluğunda, 125 milyon dollar dəyərində, həyat yoldaşının adını daşıyan "Lady Moura" adlı lüks yaxta ilə Antalyadan Bodruma gəlib.
LÜKS YAXTA BÖYÜK MARAĞA SƏBƏB OLUB
Bodrumun Türkbükü məhəlləsinin açıqlarında lövbər salan, üzərində 4 üzgüçülük hovuzu və helikopteri olan lüks yaxta qısa zamanda diqqət mərkəzinə çevrilib. Yaxtanı yaxından görmək istəyənlər qayıqlar və katerlərlə onun yaxınlığına qədər yaxınlaşıblar.
BOL-BOL GÜNƏŞLƏNDİ, DƏNİZƏ GİRDİ
Həyat yoldaşı, övladları və yaxınları ilə birlikdə yaxtanın arxa hissəsində günəşlənən, zaman-zaman dənizə girən Plieqonun və yaxınlarının cənnət mənzərəli buxtada su idmanları ilə məşğul olduğu müşahidə edilib.
9 MİLYARD DOLLARLIQ SƏRVƏT SAHİBİ
9 milyard dollarlıq sərvətə sahib olan Plieqo və həyat yoldaşının yaxtanın üzərində uzun müddət kitab oxuyub günəşlənərkən, uşaqlarının isə yaxtanın arxasında qurulan su parkında əyləndikləri görülüb. Axşam saatlarında Plieqo 13 metrlik "Maya" adlı katerlə həyat yoldaşı və uşaqları ilə birlikdə Torba buxtasındakı bir balıq restoranına şam yeməyinə gedib.
Bir türk bələdçinin müşayiəti ilə Plieqo və ailəsi laos balığı, kalmar, səkkizayaq salatı, yerli qəlyanaltılar, şərabdan ibarət yemək və meyvə yeyib. Plieqo təxminən iki saat qaldığı restoranda 28 min Türk lirəsi hesab ödəyib.
EFES VƏ MƏRYƏMANANI ZİYARƏT ETMƏK PLANI
Meksikalı milyarderin Bodrumdan Quşadasına keçərək Efes və Məryəmananı ziyarət edəcəyi məlum olub.
ACUN ILICALI İLƏ YEMƏK YEMİŞDİ
Plieqo və ailəsi əvvəlki illərdə Bodruma 80 metrlik "Azteca" adlı yaxtaları ilə tətilə gəlmişdi. Plieqo ötən həftə Acun Ilıcalı və həyat yoldaşı Çağla Ilıcalı ilə birlikdə şam yeməyində bir araya gəliblər.