Aİ: Aclıqdan silah kimi istifadə qeyri-əxlaqidir

Beynəlxalq Nizam Və Xaos Seçimi: Kosta Qəzza Və Ukrayna Böhranlarına Diqqət Çəkib

Birləşmiş Millətlər Təşkilatının (BMT) Nyu-Yorkda keçirilən 80-ci Baş Assambleyasında çıxış edən Kosta, dünyanın iki qütb arasında – qaydalara əsaslanan beynəlxalq nizam və zorakılıqla dolu xaotik sistem arasında seçim etməli olduğunu vurğulayıb. O, bu xaotik sistemə nümunə olaraq Sudan, Qəzza və Ukraynadakı vəziyyəti göstərib.

Qəzzada Humanitar Fəlakət

Kosta çıxışında Qəzzadakı kritik humanitar vəziyyətə toxunub. O, "Qəzzada təsəvvürəgəlməz ağrılar, aclıq çəkən uşaqlar, parçalanmış ailələr və dünyanın vicdanını sarsıdan bir humanitar fəlakətlə üz-üzəyik. Aclıqdan müharibə silahı kimi istifadə etmək əxlaqdan kənardır və sözlərlə təsvir edilməsi mümkün deyil" deyə bildirib. O əlavə edib ki, Fələstinlilərin də İsrail xalqı kimi təhlükəsiz və özünü təmin edən bir dövlətdə yaşamaq haqqı var. Kosta qeyd edib ki, "Danışıqlar yolu ilə əldə olunan ikidövlətli həll sülhə gedən yeganə yoldur. Hər iki xalq üçün təhlükəsizlik, hər iki xalq üçün ləyaqət – bizim axtardığımız həll budur." Avropa İttifaqının təkbaşına Qəzzadakı humanitar fəlakəti dayandıra bilməyəcəyini vurğulayan Kosta, "Birlikdə hərəkət etməli və bütün əsirlərin qeyd-şərtsiz azad edilməsini, dərhal atəşkəsin elan olunmasını, humanitar yardımların maneəsiz çatdırılmasını, qanunsuz yaşayış məntəqələrinin dayandırılmasını və ikidövlətli həllə yönəlmiş etibarlı bir öhdəliyin yenilənməsini tələb etməliyik" çağırışını edib.

Ukrayna Böhranı Və Beynəlxalq Təhlükəsizlik

Kosta Rusiyanın BMT Nizamnaməsini pozaraq Ukraynaya hücum etdiyini xüsusi ilə qeyd edib. O, "Bu təcavüz təkcə Ukraynanı deyil, bu məclisdə təmsil olunan hər bir ölkəni təhdid edir. Rusiyanın Ukraynanı işğalı ilə barışsaq, heç bir ölkə təhlükəsiz olmayacaq" deyə fikirlərini bölüşüb. Avropa İttifaqının müharibəni sona çatdırmaq üçün Rusiyaya təzyiqləri davam etdirəcəyini bildirən Kosta, danışıqlara davam edilməsi, atəşkəs elan olunması, ədalətli və davamlı sülhün bərqərar olması üçün çağırış edib.

24 saat