Aİ-dən miqrantları geri almayanlara viza və ticarət qadağası Türkiyə də daxil

Avropa Birliyi qaçaq miqrantlara qarşı mövqeyini sərtləşdirir.

Danimarkanın sədrliyi altında, AB Şurası, Komissiyası və Avropa Parlamenti iqtisadi sanksiyalar da daxil olmaqla, yeni tədbirlər barədə razılığa gəliblər. Bu tədbirlər "inkişaf etməkdə olan ölkələrə" geri qaytarılan qanunsuz miqrantları qəbul etməyən dövlətlərə qarşı tətbiq ediləcək.

Türkiyənin də daxil olduğu bu ölkələr, geri göndərilən qaçaqları qəbul etmədikləri halda, ABŞ prezidenti Donald Trampın Cənubi Amerika ölkələrinə tətbiq etdiyi kimi, ticarət embarqosu ilə üzləşəcəklər. Həmçinin, onlara viza prosedurları dayandırılacaq.

AB Komissarı: "Artıq Üstünlük Bizə Keçdi"

Beləliklə, Avropa Birliyi əməkdaşlıq etməyən ölkələrin ticarət üstünlüklərini geri çəkməklə yanaşı, ikinci zərbəni viza sahəsindən vurmuş olacaq. Brüsseldə Daxili İşlər və Miqrasiya üzrə AB Komissarı, "AB-nin Şerifi" ləqəbli avstriyalı Maqnus Brunner bu qərarla bağlı açıqlama verib.

Maqnus Brunner bildirib: "Bu qərarla biz daha aydın addımlar atmaq və uğurlu geri köç üçün çalışmağa davam etmək əzmimizi nümayiş etdiririk. Viza sanksiyaları ehtimalı ilə indi üstünlük bizə keçdi."

Dövlət Başçıları Məsələni Müzakirə Edəcək

Ədliyyə və Daxili İşlər Nazirləri AB-nin sığınacaq qaydalarının daha ardıcıl tətbiqi, habelə təhlükəsiz üçüncü ölkələrdəki geri qaytarma mərkəzləri vasitəsilə miqrantların geri göndərilməsi məsələlərini müzakirə etmək üçün 8 dekabr tarixində bir araya gələcəklər.

Avropa Birliyinə üzv 27 dövlət və hökumət başçısı da böyük ehtimalla 2025-ci ilin 18 və 19 dekabr tarixlərində Brüsseldə keçiriləcək son AB Zirvə görüşündə bu mövzuya toxunacaqlar.

24 saat