AJet İstanbul-Beyrut reyslərinə 2 dekabrda start verir

Xarici reys şəbəkəsini genişləndirən Türkiyənin ən gənc aviaşirkəti AJet, İstanbuldan Beyruta birbaşa reyslərə başlayır. Sabiha Gökçen Hava Limanından Beyrut Rəfik Həriri Beynəlxalq Hava Limanına 2 dekabr 2025-ci ildə həyata keçiriləcək ilk reysin biletləri 79 dollardan başlayan qiymətlərlə satışa çıxarılıb.

İSTANBULDAN BEYRUTA HƏR GÜN REYSLƏR

Çoxmədəniyyətli quruluşu və köklü tarixi ilə Yaxın Şərqin əhəmiyyətli şəhərlərindən biri olan Livanın paytaxtı Beyruta bu dəfə İstanbuldan reyslər başlatdığını elan edib. Qeyd edək ki, AJetin artıq Ankara Esenboğa və Adana Çukurova Hava Limanlarından da Livan paytaxtına reysləri var. 2 dekabrdan etibarən İstanbul Sabiha Gökçen Hava Limanından da Livan paytaxtına reyslər həyata keçiriləcək.

İstanbuldan Rəfik Həriri Beynəlxalq Hava Limanına ilk reys 2 dekabr 2025-ci il tarixində gerçəkləşəcək. Bu xətt üzrə həftənin hər günü qarşılıqlı reyslər təşkil olunacaq.

KEREM SARP: BEYRUT REYSLƏRİNƏ BAŞLAMAQDAN HƏYƏCAN KEÇİRİK

AJet-in baş direktoru Kerem Sarp İstanbul-Livan xətti ilə bağlı sosial media hesabında paylaşım edib. O, İstanbuldan Livan paytaxtına reyslərə başlamaqdan həyəcan keçirdiklərini bildirib: “Yaxın Şərqin tarixi və mədəni cəhətdən əhəmiyyətli şəhərlərindən biri olan Beyruta, Ankara və Adanadan sonra bu dəfə İstanbuldan birbaşa reyslərə başlayırıq. Aviaşirkət olaraq, qlobal reys şəbəkəmizi genişləndirməyə, Türkiyəni dünyaya bağlayan yeni xətlər açmağa və hər bir reyslə ölkəmizin brend dəyərinə töhfə verməyə qətiyyətlə davam edirik.”

İSTANBUL-BEYRUT XƏTTİNİN BİLETLƏRİ 79 DOLLARDIR

Əlçatan qiymətlərlə səyahət imkanı təklif edən AJet-in İstanbul-Livan reyslərinin biletləri satışa çıxarılıb. 79 dollardan başlayan qiymətlərlə təklif olunan biletləri aviaşirkətin veb saytından (AJet.com), mobil tətbiqindən, çağrı mərkəzindən və səlahiyyətli agentliklərindən əldə etmək mümkündür.

24 saat