Aleyna Tilki: Komanda məni qısqanır

"Cevapsız Çınlama", "Sen Olsan Bari", "Nasılsın Aşkta", "Ayrı Gitme", "Başıma Belasın" və "Yalan" kimi mahnıları ilə tanınan Aleyna Tilki, karyerası, şəxsi həyatı, bəyanatları və sosial media paylaşımları ilə tez-tez gündəmə gəlir. Ötən günlərdə Tilki, Yenikapıdakı İstanbul Festivalında verdiyi konsertdən əvvəl səsləndirdiyi iddialı açıqlamaları ilə diqqəti cəlb edib.

"Mövcudluğum qısqanılır"

24 yaşlı müğənni sənaye çətinliklərindən bəhs edərək bildirib: "Mənimlə çalışanlar belə məni qısqanır, mövcudluğum qısqanılır. Var olmağım qısqanılan bir şeydir. Bundan çox narahatam. İnsanların gözümün içinə baxarkən dişlərini qıcamağından narahatam. Buna görə də təcrid olunmuş həyat yaşayıram. Zamanla bəzi hislər ağırlaşır, artıq bu vəziyyət mənə çox qorxunc gəlir". Ötən günlərdə "Bir anda evlənib uşaq dünyaya gətirə bilərəm" deyən Tilki, bu mövzu ilə bağlı da "Hər kəs kimi mənim də ana olmağa haqqım var" söyləyib. Tilki, "Bu yaxınlarda lisey yoldaşımla çəkilmişəm, sevgili filan yazıblar. Səhv yazılıb, illərdir yanımdadır, necə tanımırsınız ki? O mənim liseydən dostumdur" deyərək haqqında yayılan iddialara da aydınlıq gətirib.

24 saat