Almaniyada miqrant böhranı: Şəhərlərdə vəziyyət gərginləşir

Almaniyanın Miqrasiya Böhranı Dərinləşir

Almaniya, 2015-ci ildə o zamankı Baş nazir Angela Merkelin Suriyadakı vətəndaş müharibəsindən qaçanlar üçün səsləndirdiyi "Biz bacararıq" (Wir schaffen das...) sözlərinin ardından başlayan kütləvi miqrasiya dalğasının ağır nəticələri ilə üzləşib. Ödənilən sosial yardım xərcləri illik 50 milyard avronu ötüb. Bir vaxtlar ölkədə açılan "Xoş gəlmisiniz" pankartlarının yerini indi "ReMigration – Geri köç" şüarları tutub.

Xaos və Sosial Gərginliklər

Ölkəyə axın edən bir milyondan çox suriyalı, əfqan və türk əsilli qaçqın səbəbindən şəhərlərdə xaos yaranıb. Bəzi ərazilərdə faktiki "özünüidarəetmə zonaları" formalaşıb. Polisə, təhlükəsizlik əməkdaşlarına və bir çox vətəndaşa qarşı zorakılıq halları artıb, bıçaqlı hücumların sayı isə dəfələrlə çoxalıb. Göçənlərin əksəriyyəti hələ də dil problemi yaşayır və böyük hissəsi sosial yardımlarla dolanır. Milyonlarla insan işləmədən dövlət tərəfindən ödənilən kirayə və digər sosial dəstəklərlə yaşayır. Bu vəziyyət yaşlı almanlar arasında ciddi narahatlıq yaradır və ictimai nəqliyyatda, küçələrdə göçənlərə qarşı münasibət dəyişib. SAT 1 televiziya kanalında yayımlanan reportajlar seriyasında mövzu geniş müzakirə olunaraq Merkel dövründən bəri hansı səhvlərin edildiyi diqqətə çatdırılıb.

Berlinin Səhvləri və Reaksiya

Proqramlarda, hesabsız-kitabsız miqrasiya siyasətinin ölkəyə çox baha başa gəldiyi və Almanların "Xoş gəlmisiniz mədəniyyəti"nin "ReMigration – Geri köç" kampaniyaları ilə əvəz olunduğu vurğulanıb. Bu dəyişikliyin əsas səbəbləri aşağıdakı kimi sıralanıb:

• Türkiyə ilə aylarla davam edən Geri Qəbul Sazişi danışıqları səhv idi.
• Almaniya və AB sərhədlərinin illərlə lazımi səviyyədə nəzarət edilməməsi böyük səhv idi.
• Zorakılıq tərəfdarı olan qaçqınlara qarşı daha sərt tədbirlər görülməməsi və sürətli deportasiyaların aparılmaması yalnış idi.
• Qaçqınlara heç bir şərt qoymadan külli miqdarda sosial yardım ödəmək düzgün deyil.

Verilişdə vurğulanıb ki, həqiqətən inteqrasiya edənlərə, ölkəyə yük olmayanlara dəstək verilməli, lakin zorakılığa əl atan və cəmiyyətə uyğunlaşa bilməyənlərə qarşı qanuni çərçivədə tədbirlər görülməlidir.

24 saat